يا جماعة .. ارفقوا بأختكم

كان ببالي أقول نفس الكلام اللي قلتوه تقريبا .. لكن اكتشفت إن الجميع يقول كذا وإن هذا راح يسبب مشكلة .. وهي أنكم تشحنوا البنت على زوجها

أختي الكريمة

أنتي أخطأتي .. وزوجك مبالغ في التعامل مع الخطأ فما الحل ؟

أولا .. عليك بالدعاء الخالص لوجه الله تعالى .. بأن يعيد الألفة والمحبة .. وأن يصلح لك زوجك

ثانيا .. صدقيني زوجك بحاجة لك .. لكن يبغى يثبت قوته بطريقة خاطئة .. وكثير من الناس يخطئ مو بس زوجك

ثالثا .. نصيحتي لك كالتالي ..

اكتبي له رسالة بأسلوب مختلف تماما عن السابق .. خليه يحس أنك جزء منه .. وأن أي شيء يضره يضرك أيضا .. وأن كل ألم يصيبه أنتي تحسين فيه .. وأن يعالج الموضوع معك كما لو يعالج مرض فيه .. أشعريه أنه يعالج نفسه إذا حل مشكلتكم .. أخبريه أنه لا يمكنك الاستغناء عنه .. وإن هذا يعني أنه مستحيل تخطي أنتي عليه ..

بعد كذا حاولي تدبري لك طريقة تروحي فيها لبيتك بحيث تتأكدي إنه غير موجود ومن دون ما يعرفوا أهلك عن المشكلة .. جهزي البيت .. وجهزي جلسة رايقة مع عصير مثلا أو آيسكريم أو حلوى .. خلي الجو رائع جدا .. مع بعض الشموع الحلوة .. وإذا دخل وتفاجأ ضميه لك وقبلي رأسه .. وخبريه إنك ما لك غنى عنه .. وبعد كذا تناقشوا في الموضوع بهدوء .. ولا بد من الابتسامة والمحبة .. وكذا بتكوني أعقل منه وأحكم

وبإمكانك قراءة توقيعي والاستفادة منه في إرسال رسالة له بالجوال تكتبي فيها المقولة الموجودة في التوقيع .. لا تكثري من الاعتذار فهو ممل .. لكن اعتذري مرة بس تكون بطريقة مختلفة ومؤثرة جدا

إذا ما نفع هذا معاه .. خبرينا نجد لك حل آخر بإذن الله

كان الله في عونك أختي