قصة طلاقي ... دموع لا تنتهي
السلام عليكم ورحمة الله وبركاته
اخواتي واخواني انا متابعه لمواضيعكم من فتره قصيره وقررت اكتب قصة طلاقي
تجربتي مؤلمه جداااا
بقولها باختصار جداااا
اعشق زوجي وزوجي يعشقني
واطلقنا بعد سنه
مطلقه........ ولكن عذراء
منعته يلمسني .. واوهمته ان السبب والمشكله منه وان عنده ضعف لدرجة شك في نفسه
طبعا اختلقت المشاكل ..الرجل يحاول يفهمني وانا اصـــده
طبعا كلكم تبون تعرفون ليش منعته يلمسني ليه كنت حقيره لهذي الدرجه ليه كنت واطيه وسافله واتبليت على انسان في رجولته وهزيت ثقته بنفسه ..تدرون ليه
لان لما كان يجي ويريد الجماع كنت ارى الرجل اللي تحرش فيني وانا وعمري 7سنين وجلس هذا الحيوان يتحرش فيني سنه وانا في سن ال7 سنوات ..عشت في رعب ولا قلت لاهلي لان الحقير كان يقولي اهلي لو عرفوا بيذبحوني طبعا كنت طفله صدقت وسكت ..للعلم في يوم من الايام دخلت الحمام ولقيت دم بس طبعا ما كنت ادري ان هذا شرفي .... انتهى كابوس هذا الرجل وانا في سن 8 سنوات ... كبرت بديت استوعب اكثر واكثر اللي صارلي وانا صغيره الين ما دخلت الثانوي وعشت حياتي كلها وانا طبعا حاطه في بالي اني ماني بنت ...دخلت الجامعه جاتني التهابات زي اي بنت اضطريت اروح للدكتوره نساء وولاده ..شافتني وقلت احكيها بلمره دكتوره ماراح تعرفني ولا راح تشوفني بعد كذا بس هذي فرصتي ..فعلا حكيتها عن مشكلتي وقلتلها بس ابي اتاكد انا بنت ولا لا .... كشفت علي وقالتلي انت بنت وخليك واثقه من نفسك ولا تفكري في هذا الموضوع ابدااا ...فعلا احس من هنا بدأت اعيش حياتي ..ربي كاتب اتعرف على زوجي عشقنا بعض للجنون .. اتزوجنا... بعد الزواج كرهته ليه لان عند محاولات الجماع كنت اتالم وكان هذا الالم يذكرني بالمي وانا طفله كنت اشوفه الحقير الحيوان اللي اتحرش فيني صرت اكره يوم بعد يوم اتبليت عليه ظلمتــــــــــــــــــه واقنعت اهلي ان المشكله منه صدقوني كان همي الوحيد اطلق من جد اقولها لكم وانا صادقه ما اكنت اشوف الشخص اللي حبيته نسيت الحب والايام الحلوه اللي بينا ...
تدرون ليش منعته يلمسني مو بس عشاني اتالم ولا بس عشان اشوفه هذاك الحيوان اللي تحرش فيني كان عندي احساس اني لازم احافظ على شرفي لاني راحت من عيني صورت الزوج وصرت اشوفه بصورة الحقير الدنيئ اللي سببلي مشكلتي وانا صغيره والله سويت كل هذا من غير ما احس كنت عصبيه مررره كنت حقيره ودنيئه لابعد الحدود مع اعظم رجل في الدنيا ماكنت حاسه بنفسي هذا للي قدام عيوني اللين ما طلقني
تحسبوني اطلقت وارتحت ...بلعكس طلاقي هو اللي صحاني لان انا ما كنت ابي اطلق من زوجي انا كنت ابي اطلق من اللي الالم من اللي يحاول يتحرش فيني بس مو زوجي ...لما اطلقت زي اللي كاني صحيت من النوم ولقيت اللي اطلقت منه زوجي اللي احبه طبعا كل هذا ما جاه في يوم وليله بعد سنه بعد صراع طويل بيني وبين نفس ... صرت اقول انا ليش ما صارحته ليه ما قلتله ليه ما فهمته حقيقة مشاعري وايش مشكلتي.. ما ادري ليه ما قلت؟؟؟؟ احساسي وقتها اني بحافظ على نفسي من هذا الشرير اللي يبي ياخذ شرفي مني ....... عرفت اني مريضه نفسيا وموضوعي وانا صغيره ماانتهى بمجرد انتي لما كشفت عند الدكتوره وطمنتني اني بنت ..عرفت انه مأثر فيني مررررره بس توقعت ان مشكلتي انتهت بمجرد اني اتاكدت اني عذراء ....
تخيلوااااااااا والحين العذريه هي سبب مأساتي ..كانت سبب مأساتي وانا صغيره وهيا مأساتي وانا كبيره
بعد سنه من الطلاق معد اتحمل ابي احكي ابي اتكلم كلمت طليقي وحكيته كل شي انصدم قالي ليش ما قلتيلي ليش ماحكيتيني قلتله هذا اللي اشوفه وقتها انا مريضه نفسيا وهذا الموضوع اثر علي وصار اللي صار ........ استسمحت منه وقلتله سامحني انا ظلمتك بس اناوحده مريضيه .. انا جرحته كثير واهنته كثير .. يحبني وسامحني بس طبعا وده يرجعني بس مو قادر ..يقولي ماني قادر انسى كل المواقف اللي سويتيها معاااي والكلام اللي قلتيه عني حتى اهلك صدقوك واهانوني ..قلتله معاك حق انت الصح وانا الخطأ بس انا وضعي كذا كذا ... وكانت مشكله فيني.... بس صدمة ليلة الدخله جابت اجلي وفقدت عقلي حتى ماكان يخطر على بالي اقولك كل همي احافظ على شرفي ما كنت اشوفك زوجي ... لان فكرة اني ما احكي الموضوع ثابته في راسي من طفولتي اني من المفرتض ما اقول لاحد لاني انا الغط زي ما فهمني الحقير اللي تحرش فيني عشان كذا ما خطر ببالي احكيك وانا زوجتك
بس اللي خلاني استوعب الامور اني بعد الطلاق شوي شوي بديت افقدك بديت استوعب شوي شوي اللي صار بديت انهار تدريجيا ... وفي نفس الوقت بديت استوعب اني ظلمتك ... صرت اقول لنفسي انا وحده اخاف الله انا ماني سيئه انا كيف سويت كذا انا كيف ظلمت انا وانا ومن جد انا ماني كذا ..كرهت نفسي وعمري الين ما انهرت على اهلي وقلت الصدق لهم وبرئت زوجي وقلت كلمة الحق اللي لازم تنقال .... صرت اروح للدكتوره واتعالج نفسيا من هذا الموضوع ...
بس للاسف زوجي سامحني ووده يرجعني بس مو قادر ينسى كل اللي سويته فيه حتى لما عرف مشكلتي.. لان اللي سويته فيه مو قليل ومعاه حق .... يعني مايبني الحين زوجه وانا احترم قراره
طيب انا وش ذنبي كل هذا يصيرلي وش ذنبي يصيرلي عقده ومرض في داخلي وانا على بالي انتهت مشكلتي وهي اصلا ما انتهت وادمرت حياتي كلهااااااااااااااااااااااااااااااااااااااااااااااا اااااااااااا
احساسي اني ظلمت للحين ماني قادره اغفر لنفسي لاني دمرت انسان وانا مو في وعيي ياناس والله ماكنت في وعيي اقسم بلله مريضه نفسيااااا
وللحين احبه واعشقه وابيه وهو ما يبني برغم عرف مشكلتي والله ما الومه بس زعلانه ليه صار معاي كل هذا ..بتقولوا قضاء الله وقدر بقولكم امنت بللله ...بس انا عذريتي هيا سبب تعاستي في طفولتي عذريتي هيا سبب طلاقي.. الحمد الله على كل شي بس انا ضايعــه دكتورتي تقولي انسي وعيشي حياتك ومشكلتك وانتي صغيره مع العلاج والجلسات بنساها ..طيب وزوجي وظلمي له كيف انساه..قلتلها لو انا انسانه سيئه ولئيمه من الاساس صدقيني يمكن ما تفرق معي بس انا مو كذااا وكمان لما جيت اظلم ظلمت اعز الناس بعد امي ... كيف انسى جرحي له للان وهو يتعذب بسبباللي سويته فيه ..والدليل ماهو قادر ينسى وللحين يتالم ويعاتبني بقوه برغم انه عرف كل شي ..ماهو قادر ينسى..حتى اني بئرته من كل اللي سويته فيه لكل اهلي ما يهمني صورتي قدامهم يهمني اني ارجع كرامته اللي اهنتها بس برضوا ما هو قادر ينسى ...
وهذا الشي يعذبني واقول معاه حق يزعل بس ليه ما يرجعلي مع انك الان عرفت وبرئتك قدام كل اللي تبليت عليك عندهم وهذي مشكلتي تعال نفتح صفحه جديده ما يبي لانه مو قادر ينسى المواقف البشعه اللي صارت بينه وبيني وبينه وبين اهلي .. يعني حتى مشكلتي اللي هي سبب تعاستي ما اثرت فيه
كثر ما المواقف السيئه اللي صارت ماثره فيه وماهو راضي ينساها
ادري طولت عليكم بس انا محطمه ومنتهيه ... والله يسامحني على اللي سويته ويشفيني وحسبي الله ونعم الوكيل في اللي سببلي هلمرض والمشكله اللي فيني ... سامحوني وادعولي ربي يرجعلي الانسان اللي احبه لاني ماني قادره اتقبل طلاقي ماني قادره ...واسفه على الاطاله وسامحوني