السلام عليكم ورحمه الله وبركاته

بصراحه بدخل بالموضوع فكرت اني احمل ان شاء الله لكن الي مقلقني شغلتين اولا الوحم في الاشهر الاولى خايفه يقلب موازين دراستي لاني باخر سنه بالجامعه وافكر احمل بدايه هالسنه الدراسيه الجديده عشان ولادتي باذن الله تكون بعد اختباراتي بالصيف .مع العلم ان قسمي صعب صعب صعب يعني انا بدون حمل ووحام جايبه العيد بدراستي بس بنفس الوقت ابي اخلص وابي احمل... هل بيأثر الوحام ع دراستي واستيعابي بالمحاضرات ثانيا انا شهيتي بالاكل وبحياتي اليوميه متعبه يعني مو اي شيء اتقبله يعني امي تقول لي دايم كانك تتوحمين واخاف يكون وحامي شديد

ثاني سؤال افكر هالثلاث شهور انحف كم كيلو عشان مع الحمل ما اسمن زياده مع اني مو سمينه بس اني شوي رويانه.. وش رايكم

وبعد ابي اعرف كيف احسب ايام التوبيض عندي لاني الي اعرفه من بعد تقريبا 6 او 7 يوم من بعد الطهر من الدوره لكن اشوف واقرا يطلعون ارقام غريبه مدري كيف


ادري اسالتي سخيفه بس صدق ابي شوركم