السلام عليكم اخي

مشكلتك مشكلة كتييييييييييير من الناس

يعني انت معك حق وبنفس الوقت ما معك

انت مسافر وتعبان ومشتاق لزوجتك وحابب تشوفها باحسن حال وتشوف البسمة والفرحة عليها

لكن هية كمان لوحدها اغلب الاسبوع

حتقول حواليها اهلها والاقارب

لكن طبعا ماحد بغني عنك

وجودك اهم من اي وجود بالدنيا

لهيك فاكيد هية بتكون مضغوطة

فوق هيك تدخلات و نكد الي حواليها

و اكيد هية مابتكون مبسوطة لما تدخل انت البيت وتكون مكشرة

لكن تذكر انو المراة عاطفية اكتر من عقلانية

وبتكون مقهورة وساكتة وبدها حد تفشلو خلقها و تحكيلو وتشكيلو

وانت جاي تعبان لهيك بتزعل منها ومابتتحمل النكد

ونرجع نقول هية مستحملة ومقهورة وساكتة وبتعاني في غيابك

واعذرني يعني لشو مضايقات الاقارب؟و صحيح انت مش موجود بس لشو يستغلو غيابك ويخلصو المية عليكو

ممكن ياخدو شوي بس يفضو الخزان والدنيا صيف والحر مقرف

يعني شي بدايق جدا

وماتنسى انو زوجتك حامل و الجفاف والجو الحار بيزعج الحامل جداااااااااا

فهية مش ناقصة المية تقطع عنها

اما بالنسبة لسلبيتك

فللاسف يا اخي الناس لما تعمل معهم هيك وتقول الله يهديهم ويسامحهم

فوقتها مابقولو يالله اماطب ابو محمود لازم نخف عليه ومانزعل مرتو لانو كويس وبتنازل النا

طبعا مابقولو هيك

مابيجي في بالهم اشي

بس بعملو الي بمزاجهم وبتمادو فيه

انا لو مكان زوجتك بتحمل الاب والام وفقط لانو بعتبر ابو زوجي متل ابويا ورجال كبير وانو بهمش يحكي كلام بضل متل ابويا

وهوة الي ربى زوجي وجابو للدنيا بعد إذن الله

بس ليش تتحمل مضايقات اخوك ولا زوجة اخوك ولا فلانة وفلانة؟؟؟

الناس لما تعطيهم وش بتمادو وبقولو ماهوة مش سائل

يعني هما مابقولوها علنا لكن تصرفاتهم بتقول هيك

فبصراحة سلبيتك هاي لاتتوقع اي احد يتصرف متلها

يعني نادر من الناس الي باخد الامور بالطريقة هاي وبقول الله يسامح وخلص

ماتتوقع زوجتك تتعامل بنفس الطريقة

لانها غير عنك ولانها امراة ولها عاطفتها و عقليتها الخاصة بها

ونفسيتها ايضا مختلفة

والمراة حساسة

وهية بكفيها بعدك و تعبها معاك

الواحد بقول عقدي و قد زوجي بتحمل لانو زوجي بستاهل و بتعب عشاني

لكن لشو المسكينة تتحمل مضايقات خارجية

والي زعلني فعلا انك بتقول كل اختلافاتكو بسبب اطراف خارجية الا تجد ان هالشي كتير مزعج

لو الخلاف داخلي مابتلوم حد ولابتزعل منك ل الها بتتفاهمو

بس لما مشاكلكو بسبب الناس الي برة وقتها الواحد بزعل وبقول لو الناس تاركينا بحالنا كان احنا احسن بكتير

انا برأيي ان تسمع لزوجتك و تفهم منها كل شي

وتتحدث مع الاطراف الي بدايقوها بشكل عقلاني وهدوء ومحبة

بدون مشاكل يعني

وتقلهم عن الي بعملوه غلط ومايعيدوه
واقلهم انا بعيد عنها وبتوقع تكونو اهلها وتونسوها مش تزعجوها

يعني حسسهم انو انت مش حتضلك ساكت على ازعاجهم لزوجتك

وصدقني لما مايزعجو زوجتط

فهية اكيد نفسيتها حترتاح ومش حتستقبلك بنكد

لانها ثق تماما بتكون طول الاسبوع ساكتة وكاتمة جواها وبتقول امتا زوجي يجي لاقلو


واول متيجي تنفجر القنبلة بوجهك

صحيح هالشي غلط بحق الرجال التعبان

لكن الزوجة الها طاقة تحمل ومالها غيرك لتحكي وتشكي

خاصة انك مش متخذ اي اجراء ولا تكلمت ولا قلت اي شي

ضروري تحكي مع الي بزعجوها وتعرفهم انو الي بحبني بحب زوجتي والي بحب راحتي بريح زوجتي ومابزعجها

بالنسبة لوالدك احكي معاه لكن ليس بنفس الاسلوب يعني حسسو انو هوة ابوها و انو ينتظر منو الحنان عليها وهيك

بالنهاية حتتحمل ابوك لانو متل ابوها

لكن مش مجبرة تتحمل احد اخر


وتذكر ان تقيس مشاعر زوجتك على شخصيتها وطبيعتها عمراة وخصوصية تفكيرها

ماتقيس على تفكيرك و عقلك الخاص

الاخ واخوه الي رابيين بنفس البيت سنين عمر طويلة بختلفو

كيف اتنين من بيئات مختلفة ؟

لاتتوقع تتصرف متلك

وتذكر ان السلبية لا يمكن ان تكون ميزة لان فيها تنازل عن حقوقك و سماح للناس في التمادي في حقك

والانسان السلبي بيجي يوم يكتشف انو السلبية اكبر شي خطأ عملو في الحياة

انما الامر يكون مرة هيك ومرة هيك

مش كل مرة حتزعل من اي تصرف صغير او تافع

ومش كل مرة جطنش

خير الامور الوسط

مرة هيك ومرة هيك لتسير الحياة

صدقني ان استمريت في سلبيتك راح يزيدو ويزيدو وبالتالي زوجتك حتزعل اكتر واكتر وينعكس هالشي عليك

موفقك والله يبعد عنكو هم الناس ويديم عليكو الحب والسعادة

__________________