بما ان الموضوع عن الاعاقه راح اقول لكم قصه تحزن ..
قبل الامتحانات باسبوع بالضبط يعني ايام المراجعه ..
ابني اللي في صف اول ثانوي قال لي بروح المدرسه عشان الاستاذ راح يحدد لنا الدروس للامتحان
بعد ما خلصوا الدرس جلس شوي مع اصدقائه في الفصل يدردشون ..
بعدها طلعوا من المدرسه اربعه من اعز اصدقائه واحد منهم يصير ابن عمة امي و دايم يجي عندي البيت
يلعب مع الاولاد طلعوا من المدرسه بسيارة واحد منهم وراحوا المطعم اللي قريب من المدرسه ..
ولدي ركب السياره مع السايق توه بيمشي الا سمع صوت حادث بسرعه نزل من السياره وركض الي جهة
الحادث .. الا لقى سيارة صديقة مقلوبه وسط الشارع و ثلاثة منهم مرميين على الارض منهم ابن عمة امي
والرابع في السياره ..
الثلاثه حالا توفوا و الرابع و هو السائق لم يموت ولكن اصابته كانت في العمود الفقري
الى الان هو في المستشفى لانه مصاب بالشلل النصفي ...
اثاريهم كانوا يفحطون و ما عرف الولد يسيطر على السياره و صار اللي صاااار...
الولد الان محطم بسبب اعاقته و انه كان السبب في موت اصدقائه..