حبيباتي لكم وحشه كبيره
سبحان الله كنت متخيله ان النفسيه هتكون احسن بعد الحمل واكيد انه كرم من عند ربنا الف حمد وشكر عليه لكن مش عارفه مالي بعيط على اي حاجه واتفه سبب ومكنتش كده حتى قبل الحمل لدرجه ان ساعات جوزي بيبصلي وبحس انه عاوز يقولي انتي اتجننتي مش عارفه دا من هرمونات الحمل ولا ايه ويمكن عشان مش سالمه من اعراض الحمل كل يوم في تعب شكل فعلا حملى متعب جدا لكن الحمد لله على كل شيئ ادعولي ربنا يهون علي ويتمم لي على خير
دوبي يا قلبي ربنا يعوض عليكي عوض الصابرين ويجعله في ميزان حسناتك فوضي امرك الى الله وتوكلي عليه وان شاء الله يعوضك عاجلا غير آجل طمنيني عليكي
برتقاله يا حبيبتي انا متفائله لكي جدا وعاجبني كمان انك متفائله وان شاء الله تبشرينا قبل رمضان بحملك
دودي وزروفه وكوكا يلا يا قمرات الدور عليكم ربنا معاكم ويبشركم بالخير يارب
حلومه ربنا يفرج همك ويفك كربك ويصلح حالك ويهديلك كل عاصي ويحنن لك كل قاسي قادر يا كريم ويا حبيبتي خدي بالك من صحتك ومن حمودي الغالي الا هو كل مشكله ولها حل باذن الله وطمنينا عليكي
عشوقه يارب تكون الشقه الجديده سبب في رزقك وتيجي تقوليلنا يا بنات انا حامل
ميرميس ربنا يكرمك من اوسع ابوابه ويفتح في وشك الأبواب المقفوله ويقر عينك انتي وزوجك بالذريه الصالحه وبنات عاشقات الطفوله جميعا يارب