ساعدوني .. أريد أن أشعر بأني متزوجة ..
السلام عليكم ورحمة الله وبركاته
انا جايتكم اليوم وانا اسال الله ان يهديكم للصواب وتنصحوني بالنصيحه اللي نفيدني ..
انا شابه عمري 24 متزوجه من 3 سنوات عندي بنت عمرها سنه ونص والحين حامل ..
زوجي يحبني وما يقصر علي بشيء ماديا او اي شيء ابيه ..
يقول احبك وعارفه اني غاليه عنده ..
بس هو مايحسسني بوجوده ابدا ..
في الصباح يداوم واذا طلع تغدا ونام للعصر .. واذا قام راح للأستراحه ويجلس الين الساعه 10 في الايام العاديه
والساعه 1 باليل بالخميس والجمعه ..
وما يتواجد في البيت حتى عالوجبات الرئيسيه ..
مع اني ساكنه مع اهله وانا اللي قايمه بالبيت كله ..
يعني اطبخ واصلح الوجبات ويتغدون اخوانه واهله وهو مايكون موجود ..
واذا جا ونوا يقعد بالبيت جلس تحت وما عطاني وجه ..
هو يظن ان الحياة كلها ماده وتلبية طلبات ..
مع اني اذا طلبت منه نسافر لمدينة ثانية نغير جو وننام هناك يوم او يومين يقول لا ..
اصبغ شعري واغير نيو لووك ما ينتبه اصلا ..
اشتري والبس وموب صوبي ..
ابيكم تدلوني كيف اتعامل معه وكيف اجذبه والفت انتباهه ...
ابيه يحسسني اني شيء اساسي بحياته ...
تم التعديل على العنوان ليكون بالفصحى . الإشراف
التعديل الأخير تم بواسطة النور والحنان ; 15-08-2008 الساعة 03:34 PM