هلا اختي ....
ان شاء الله تمر عزومتك على خير وبحاول اساعدك ببعض الاكلات ... لكن انا اشوف انه صعب تجمعي في سفرة وحده اسماك ودجاج ولحم ... بس يالله بنحاول .
ممكن تبداي بالسلطات ... الفتوش اساسي وسهل ..
سلطة الباذنجان والبطاطس والحمص ... طبعا تخلطين معهم ميونيز وزبادي وملح وليمون وشوي طحينيه ..
سلطة متبل الكوسه ... تسلقين حبتين كوسه مع حبة بطاطس وبعدين لماتنشف مويتهم تحطينهم بالخلاط وتحطين ملعقتين طحينه ونص علبة زبادي وفص ثوم وملح وعصرة ليمون ... وبعدين تحطينهم في صحن وتزينيهم بزيت الزيتون .
واللحين الشوربه ... سوي كويكر سهله ولذيذه واتوقع الجميع يحبها ... بس انا افضلها حمرا بالطماطم ...
وممكن تسوين شوربة خضار سهله وحلوة ... وهي تحمسين البصل والماجي وتحطين فوقهم مويه وتخلينهم شوي وبعدين تحطين الخضار عبارة عن بطاطس وجزر وبزاليا وممكن ذرة وتخلينهم على النار يستوون ... وطبعا لوتحطين دجاج احسن واحلى ... بس هذي الطريقه سهله وسريعه..
اللحين ندخل في الاكل الاساسي ... ممكن تسوين فيليه سمك ورز صياديه ..
وخذي الطريقه ...
جيبي فيليه سمك وحطي في الخلاطه ثوم وفلفل اخضر وكزبرة ناشفه وملح وبهار سمك وشطه حمرا وكمون شوي وليمون ... بعدين تكبينهم على الفيليه وطبعا يكون مغسول وحاطه عليه الخل ... وتخلينهم شوي او ممكن تتبلينهم من الليل ... بعدين تاخذين كل قطعه وتحطينها في طحين ونشا ويكون الزيت مغلي بعدين قصري عليه وغطيهم بالغطا وراقبي لونه وبعدين طلعيه يكون مقرمش...
الرز الصياديه ... تحمسين بصل حيل لين يكون لونه بني غامق حيل كنه محترق وبعدين تحطين ماجي وتحطين مويه شوي وتخلينه يغلي وبعدين تكبين الرز اللي كنتي منقعته في مويه مغليه...
الطبق الثاني ... مكرونه باشميل واحس الكل يحبها ..
الطبق الثالث...ممكن تسوين محاشي باذنجان وبطاطس وكوسه وممكن تخلطين مع الخلطه لحم مفروم ...
الطبق الرابع ... سوي سمبوسه محشيه بالبطاطس المهروسه والبصل والكراث وفلفل شوي وطبعا طعمها مرة لذيذ... وسوي بعد سبرينغ رول وهذا كله طبق واحد ...
الطبق الخامس ... ممكن تسوين دجاج متبل بالكيس ... تبليه من الليل بالزبادي والثوم والبصل والفلفل الاسود والزعتر البري وشوي صلصة الطماطم ... وبهار الدجاج وفلفل اخضر وتحطين كل هالخلطه كلها في الكيس مع زبده وتدخلينهم الفرن .
الحلى ممكن تسوين الجلي الاخضر ... وكريم كراميل ... لان بعد الغدا الدسم لازم يكون الحلى خفيف..