اختي بنت غامد .. الله يعينك .. وانا قايله لك في موضوعك السابق انك راح تمري بكثير من المشاكل بسبب
وضع زوجك ..
فزوجك يا عزيزتي بسبب اعاقته فهو حساس جدا و يشعر بالنقص مهما حاول يداري و يخبي ..
و بناء على ذلك تتضخم عنده مثل هذه الامور و تكون ردة فعله قويه جدا ..
لو زوجك اكتفى بانه يمنعك انك تتواصلي مع اخوك يمكن مع الوقت راح يتنازل عن قراره و يسمح لك انك
تتواصلي معه ..
لكن للأسف زوجك اعلنها حرب و تهديد لاخيك و يريدك ان تقفي بجانبه في هذه الحرب ..
فانت الان بين نارين .. زوجك واخوك .. الله يعينك ..
في مثل هذه الامور اختي لازم تضبطي اعصابك و تتجنبي التهور .. لان اي كلمه تقوليها راح تخلي الموضوع
يكبر و يتشعب ..
حاولي انك تمسكي العصا من النص ..
اتصلي على اخوك و ضحي له كل الموضوع و كيف ان زوجك تضايق من كلامه بخصوص موضوع الانجاب
و كيف ان زوجك اخذ على خاطره منك انك ما رديتي على اخوك بانكم سليمين .. لكن لا تقولي لاخوك
ان زوجك طلب منك مقاطعته حتى ما تكبر السالفه .. تجنبي قدر المستطاع ان تذكري الامور اللي تجرح
حاولي تحجيم المسأله عشان ما تكبر .. حاولي انك تجدي شوية مبررات لزوجك اللي خلته يتصرف بهذا
التصرف مع اخوك .. قولي له انه زوجك حساس جدا و ما يحب احد انه يتدخل في امور حياتنا ..
(مع اني عارفه انه السالفه ما تترقع لان زوجك زودها بارسال رسائل تهديد و سب لاخوك) لكن يا اختي
حاولي انك ما تخسري اخوك ..
قولي لاخوك انك ما ودك تخسريه مره ثانيه لكن ليكن اتصالكم بعيد عن عين زوجك لحد ما تهدأ المسأله ..
اما بالنسبه لزوجك و لتصرفك معه ... والله يا اختي ما اقدر الومك .. لانك في وضع لا تحسدين عليه ..
واحيانا الواحد كثرة المشاكل تخليه يطلع من طوووره .. لكن اختي عليك بالصبر الله يعينك ..
قولي لزوجك المسأله ما توصل انك تضخمها و تبعث لاخي هذه الرسائل .. فردة فعلك قويه جدا ..
وانا لا اريد منك ان تضعني في موقف حرج مع اي احد من اهلي .. هذا ان كنت تعزني و تقدرني و تحبني
اللي يحب يتنازل ..
قولي له مثل ما انا تنازلت و قبلت بشرطك اني اقاطع اخي انت ايضا لازم تتنازل لاجلي ولا تضعني في
مواقف حرجه مع اهلي ..
اتمنى اختي اني قد افدتك ..
وعذرا على الاطاله ..