عجة الفول المدمس



4 بيضات
بصلة صغيرة مبشورة
مثلا كوب فول مدمس
معلقة صغيرة زيت
معلقة صغيرة بقدونس مفروم
ملح – فلفل – كمون

الطريقة

انزعي قشرة الفول و اهرسية جيدا بالشوكة او صفية
حمرى البصلة فى الزيت
اضربى البيض بالشوكة جيدا و علية الملح والفلفل والكمون
و البصلة المحمرة والبقدونس وضعى عليهم الفول المصفى
نضع معلقة زيت فى المقلاية ونضع فيها الخليط كله ونستنى لحد ما القاع يمسك وبعدين نقلبها على الوجه الثاني
لحد ما يمسك وتستوى نقلب العجة فى طبق التقديم


اطباق فول جديدة للسحور

فول بالطحينة





فول مهروس – ليمون – طحينة او سلطة طحينة – ملح وفلفل

الطريقة

نضع الفول فى الطبق ثم نضع على الوجه الطحينة بطريقة خطوط ونجملها بالسكينة ثم نعصر عليها عصير ليمون



فول بالعصاج

فول مهروس او صحيح – 1/4 ك لحمة مفرومة – بصلة مفرومة – ملح وفلفل

الطريقة

نضع فى مقلاية م ص سمن او 2 م زيت ثم نضع بصلة مفرومة حتي تصفر ثم نضع اللحمة المفرومة وملح وفلفل لحد ماتستوى
نضع الفول فى الطبق ثم نضع عليه اللحمة المعصجة ونجمله بقرن فلفل حامى





فول بالسمسم

فول مهروس – سمسم – زيت سمسم – ملح

الطريقة

نضع الفول فى الطبق ونضع علية رشة زيت سمسم ثم نضع السمسم



فول بالبيض والبسطرمة



فول مهروس او صحيح – بيض
– بسطرمة – ملح – زيت او زبدة

الطريقة

نضع م ص زبدة فى مقلاية ونضع فيها البسطرمة تقليبتين لحد ماتستوى
ثم نضع البيض بالعدد المطلوب لحد مايستوى ونضع علية البسطرمة
نضع الفول فى الطبق ونضع فوقه البيض بالبسطرمة

فول بالفلفل الملون



فول مهروس او صحيح – ملح وفلفل وكمون – قطع صغيرة من الفلفل الرومى الاحمر والاخضر والاصفر – سنة كزبرة ناشفة

الطريقة

نضع م ص زيت ذرة ونشوح فص ثوم ثم الفلفل تقليبة واحدة
نضع الفول فى الطبق ونضع عليه خلطة الفلفل
او ممكن نضع الفلفل بدون تشويح

فول بالزبادى والكاتشب

فول مهروس او صحيح – م ك زبادى – م ك كاتشب

الطريقة

نضع الفول فى الطبق ونضع علية الذبادى ثم نضع الكاتشب

فول بالعدس والحمص



فول مهروس او صحيح – حمص مسلوق – عدس اسود مسلوق – ملح – كمون – ليمون

الطريقة

نضع م زيت فى مقلاية ونضع العدس والحمص ونشوحهم تقليبتين

نضع الفول فى الطبق ثم نضع العدس والحمص على الفول ونضع الليمون والكمون

فول مدمس بالصلصة



فول مهروس او صحيح – 2 م ك صلصة – زيتون اسود

الطريقة

نشوح فص ثوم مهروس فى م ص زيت لحد مايصفر ثم نضع 2 م ك صلصة ونقلبها لحد ماتتسبك
نضع الفول فى الطبق ونضع عليه الصلصة ونجمل بالزيتون الاسود


جبنة بيضاء للسحور


جبنة بيضاء – زيت زيتون – كمون – بابريكا – مكعبات طماطم
نهرس الجبنة البيضاء بالشوكة فى طبق ونضع عليها م زيت زيتون وبابريكا وسنة كمون ونخلطهم بالشوكة ثم نضعها فى الطبق ونضع على الوش سنة بابريكا ومكعبات الطماطم
ملحوظة للطبق الخفيف
نستخدم الجبنة البيضاء بدون ملح

الزبادى




كيلو حليب ( لبن حليب )
1 زبادى بلدى الكبيرة
اكواب بلاستيك او ماكينة الزبادى المخصوصة
الطريقة
شغللى الفرن لحد ما يدفى ثم اطفيه و اتركيه مغلق
اغلى الحليب وبعدين اطفىء النار و اتركية حتي يصبح دافىء
( اي عندما تضعي فيه اصبعك تستطيعين تحمل الحرارة )
قلبى الزبادى بالمعلقة جيدا حتي تصبح ناعمة
ضفيها الي الحليب و اخفقيها فى خلاط العصير ضربتين
صبيه فى الاكواب وضعى الاكواب فى الفرن المطفى اللى سبق و دفناه
لمدة 4 او 5 ساعات ثم ضعية فى الثلاجة
او ضعية فى ماكينة الزبادى وغطيها وشغليها لمدة 4 ساعات
او حسب تعليمات الماكينة


منقول بتصريف


جزاها الله كل خير صاحبة طرق التفريز


يتبع

__________________