اعتذر ان وجدتِ من اسلوبي بعض القسوة
ظهر لي من كلامك ان لكِ عقلا !!
ما سبب التخبط !!
شعرت انك وبمزاجك .. دخلتِ عالم الوهم !!
حبيبتي .. رح اتكلم معك بكل صراااااااااحه .. وببساطه
من السذاجه .. انك تعيشي في جو خيالي .. وانتي مو متأكده من نية الطرف الثاني .. يعني معلقه نفسك بهواك !!
وبعدين بالعقل ..
مااجتمعت فيه مواصفاتك .. وكمان تركك .. ولاحتى تقدم لك
اجل اش تنتظري !!
سامحيني
بس الظاهر انك منتظرة فعلا شي يقصم ظهرك على قولك !!
والله من كثر ما نقرأ ونسمع .. المفروض اننا نتعلم !!
ليش لازم يجي علينا موقف يخلينا احنا عظة للناس !!
ليش مانتعظ من الغير !!
ليش انتظر شي يكسر قلبي !! والله الدنيا ماتقصّر .. تكسر اللي ماينكسر !!
لا تستعجلي .. ولا تكسري قلبك بنفسك
"الله يحفظك من الدنيا وبلاويها"
يابنتي حكمي عقلك .. بلا حب بلا خرابيط !!
اي حب هذا اللي من غير حتى عقـــــــــد !!
انا معاك ان الواحد احيانا مو بيده .. بس ليش يسمح لنفسه يتمادى !!
معليش والله اني اكلمك وكأنك وحده من صحباتي او اخواتي
لنفرض انك مشيتي بهواك زمان .. طيب والان !!
عقلك براسك .. ولسى مصرة تشغلي افكارك فيه !!
من جد .. اعذريني
احنا بنفسنا ندور الالم لقلوبنا
لأننا ماعندنا اللي يشغلنا مثل اللي شغل اخواننا بفلسطين
الله يحفظنا
عشان كدا ندور ونبحث عن الهموم بنفسنا
الله يصلح احوال الجميع
لاتكلمي اخوك ولاشي
ولاتعيدي وتزيدي في عيوب الرجال .. وتغتابيه بينك وبين نفسك
ولاتكرهي مسلم
بس اشغلي نفسك .. هذا من الفضاوة .. الله يشغلنا بطاعته
فيه كتاب لابن القيم .. قرأت في الفهرس انه متضمن علاج العشق
بس نسيت اسم الكتاب ..
لو حابه بكتب لك اسم الكتاب
واذا ماتيسر لك توصلي له .. بإذن الله اكتب لك هنا في المنتدى المواضيع المتعلقة بالعشق
هذا اذا حبيتي
الله يصلح احوالك .. وييسر امورك .. ويشغلك بطاعته
ويحفظك من شر نفسك .. وشر الشيطان