هلا خواتي مشكورين عالردود و الله ودي ارد عليكم وحده وحده بس عيالي بجنبي و مب قادره اركز
المهم
اقتباس:
|
ولا تتركيه بمفرده ابدا وان جاء له اتصال وقام يرد عليه ادخلى وراه علشان ما تعطيهوش فرصه للتحدث معهم
|
سويت هالحركه بس يطردني من المكتب لانه يدخن هناك
و بعدين هالحركه تحسسه اني اتجسس عليه
اقتباس:
اهو شكله متولع بوحده و مع الأيام بينساها
استهبـــــــــــــــــــــــــــــــــــــــــــــ ـــــــــــــــــــــــــــــلي لا تبينين له انج ذكية وايد وكاشفته لأنه جذيه يقول خلاص عرفت سوالفي خل احثلها بس اذا قرصتيه من اول مره و سكتي عن و استهبلتي بيتفشل خاصة اذا حسستيه انج عارفه و ساكته بمزاجج
|
المصيبه مب متولع بوحده هاي وحده ثانيه غير الاولى بس من نفس الدوله
و عن الاستهبال و الله ما اقدر قلبي يعورني و اقتهررررر وانا حامل( و ولادتي قريبه خلال اسبوع او اسبوعين ان شا الله )حتى النفس ما اقدر اتنفس احس بشي يكتم النفس
اقتباس:
|
فتحت المسج لقيت مسج جنسي وقح قذر فيه من الشذوذ والله اني كنت بستفرغ كلام ما تتخيلون لا شعوريا فتحت مسج ورا مسج الا كله هي مطرشه مسجات شذوذ و جنس وقلة أدب و لا الحلوة ما خلت شي جسمها و ما صورته
|
شكلهم (الرياييل) يحبون هالسوالف
حتى اللي كلمتني امس صوتها يجيب المرض كأنها ريال يعني لا صوت ناعم و لا دلع ليش يكلمها ان شا الله؟!!
اقتباس:
|
اجلسي معه و صارحيه بما في نفسك و لكن بهدوء
|
كلمته و قلت له من هالبنت قال لي شدراني انتي اللي رديتي عليها كان سألتيها انتي من
قلت له سألتها و قالت لي اسمها بس انت ليش تكلمها؟
قال انا ما كلمتها هي اتصلت و انتي رديتي عليها انا ما كلمتها و رقمها مب مسجل عندي اصلا
قلت له انا سألتها تبين من و قالت لي وين فلان (اسم زوجي)
و بس قام يستعبط و يتهرب
الحين انا مب عارفه شاسوي ودي اسوي شي يبط جبده و يقهره مثل ما قهرني
طبعا مستحيل اكلم شباب بس قلت يمكن اسوي شي هو مانعني منه
مثلا اقص شعري و اصبغه بدون ما استأذن منه و ألبس اللبس اللي يعجبني بدون ما آخذ رايه
و طبعا كل هالاشياء اللي بسويها حلاااااااال بس هو رافضها و انا بعانده عشان اقهره مثل ما قهرني
شرايكم بقراري؟ اسوي هالحركه و لا لا؟