اختي انتي مو زوجه كسلانه

انتي زوجه همامه.. يعني كيف؟ يعني تشيلي هم لأبسط الأشياء

تحبي النظافه والترتيب الي على أصول وأضيف دقيقه في عمل هالأشياء

صحيح كلامي والا مو صحيح

فاهمتك لأني مثلك



طاح المتعوس على خايب الرجا:14::14::14:

بس الحمدلله خفت المشكله كثيييييييييييييييييييييييير عندي.. وان شاء الله عن قريب بتنتهي

بيتي الآن كله الحمدلله مرتب ماعدا غرفتين

غرفة العفش فيها عفشي وعفش زوجي وأغراض للبيت مخزنتها فيها

وغرفة الكوي فيها شوية ملابس بس والله شكلها مقبول يعني حوسه على خفيف

باقي البيت من مطبخ وغرفة النوم وغرفة الجلوس الحمدلله مرتب والحمام الي نستخدمه نظيف دائما

مجلس الاستقبال وحمام الضيوف نظيف بس مغبر وكل فتره ادخله وانظفه

وأعتبر نفسي تخطيت مرحله صعععععععععبه الحمدلله وهي البدايه

والآن مستمره على هالوضع وان شاء الله ابتخطى المرحله الجايه

وهي ان غرفة العفش تكون دائما مرتبه وغرفه الكوي أيضا

وان شاءالله بتنتهي بعد ما نجيب دولاب تخزين في غرفة العفش وتنفتح نفسي على ترتيبها وغسالة صحون عشان اتفرغ للكوي


المرحله الأخيره هي الغبار في قسم الاستقبال وهذا اسهل شي بس مو أهم شي

راح أقولك كيف :

أول شي جيبي لك الغساله الاوتوماتيكيه والمجفف الكهربائي اذا ما عندك وغسالة الصحون واحرصي ان الماركات تكون كويسه حتى تفيدك

نجي للشغل اليومي

تعوذي بالله من العجز والكسل

ترتيب لغرفة الجلوس وغرفة النوم + الطبخ + شغله وحده وبس من الشغلات الي راح اذكرها لك:

1)كنس الحوش لأن بيتي مثل بيتك دور أرضي (وترى له مميزات الدور الأرضي وأهمها الدرج لأنه يسبب أمراض في الظهر والعمود الفقري يعني الحمدلله ان بيوتنا ارضيه)

2)كنس أرضية البيت كله من جوا

3)تنظيف الحمام ( ترا مره وحده في الاسبوع والله كفايه لأن ماعندك أطفال بس يكون التنظيف محترم )

4)تنظيف المطبخ

5)تنظيف الثلاجه

6)تمسيح الأثاث وأرضية البيت

7)الكوي

وانتي اختاري على حسب مزاجك في ذاك اليوم

بالنسبه لحوض السمك اذا نوعيته جيده فهو ما يحتاج تنظيف الا في الشهر مره

أنا مثلك عندي حوض سمك بس لأن نوعيته جيده فالفلتلر جيد ويقوم بمهمة تنظيف المويه وفيه نوع من انواع السمك اسمها الزبال تتغذا على الأوساخ والطحالب

والي اسويه في يوم التنظيف للحوض انقص من موية الحوض الربع وأبدلها بمويه نظيفه وأغسل الفلتر واذا يحتاج زجاج الحوض من جوا انه يتنظف انظفه بالليفه الخاصه أحركها من برا وتنظف لي الحوض من جوا ( بالمغناطيس )

وبالنسبه للحوش مره وحده في الشهر غسيل كفايه

بس قبل كل هذا يبيلك شغاله يوميه تجيك وتنظف معاك البيت عشان تبدين من جديد

وتذكري اختي ان الوحده وهي تهتم ببيتها وبزوجها لها من الأجر مثل أجر المجاهد في سبيل الله

والله يكون بعونك وبعونا جميعا ويسعدك ويهنيك مع زوجك دنيا وآخره ويرزقكم بالأبناء البارين