المشاركة الأصلية كتبت بواسطة زوج في المستقبل

شوفي يا أخت هناوي

ترا العجز (العجز : جمع عجوز) هاذي تصرفاتهم دايم

تراهن لو يتركن أفعالهن هذي ما يحسن إن لهن دور في الحياة


جدتكِ هذي تسوي هالأفعال لنها فاضية وودها تشغل نفسها بأي شي ، أي سالفة ، أي موضوع ، أي واحد ، أي وحدة

إنتي الآن تقضين يومكِ بالنت ولا بالدراسة ولا بممارسة هواية معينة .........الخ

لكن هي لو تفكرين فيها ، كيف تقضي وقتها ؟

كل واحد في الدنيا له أمور وأشياء يفكر فيها وتشغل ذهنه ووقته


قيسي على نفسكِ ، أكيد إن إنتي عندكِ أمور تشغل بالكِ (زوج ، بيت ، أطفال ، جامعة ..........الخ)

لكن ما فكرتي يوم من الأيام وش الشي اللي يشغل بال جدتكِ ؟

إنتي إذا طالبتي جدتكِ بإنها ما تتدخل بحياتكِ ، ولا بحياة زوجكِ ، يعني كانكِ تطالبينها بأن تتنازل عن التفكير في أمر مهم في حياتها ( لأنها تعتبر التفكير في حياتكم امر مهم جدا في حياتها )


باختصار

كل العجز اللي بمثل سنها بفعلن مثل أفعالها وأشد ، واكبر سبب والله أعلم إنهن فاضيات




نصيحتي لكِ

إنكِ تاخذين أخبار جدات صديقاتكِ ، علشان تعزين نفسك بحالهن مع جداتهن ، وراح تعرفين إن كلكن في الهوا سوا

وحاولي تتثقفين اكثر بكيفية التعامل مع هالنوعية من الناس ( أتوقع إن فيه كتب كثيرة تخدم هذا الجانب)

وحاولي تسايسين جدتكٍ قدر المستطاع

خلكِ إنتي الكبيرة وخلي جدتكِ هي الصغيرة (ما امزح ، اتكلم جاد) لأن اللي بمثل مرحلة جدتكِ غالباً ما يكون التعامل معهم بمثل تعامل الاطفال ، يزعلون من أصغر شي ، ويفرحون لأصغر شي


والله يعينكِ


ولا تنسين تحتسبين الأجر في تعاملكِ معها ، حتى المكالمة اللي تكلمينها معها أحتسبي فيها الاجر


وتذكري ( مايضيع عند الله شي )