السلام عليكم ورحمة الله و بركاته

قبل اى شىء احب اشكر الاخوه و الاخوات القائمين برعاية هذا الموقع الجميل اوى و الى فعلا استفدت منه كتير اوى 000

انا عندى مشكلة و بتمنى انى الاقى حلها معاكم 00 انا دلوقتى مخطوبة لواحد كنا انا و هو مرتبطين فى الكلية يعنى اتخطبنا عن حب مش نظام جواز الصالونات !
مشكلتى معاه انه بقاله فترة متغير معايا و بيعترض على اى حاجة بعملها و اسوبه معايا مبأش زى الاول فى الكلام و طريقة تعامله معايا0تغيرت لدرجة انى فى اوقات كتير بحس انه مش عايز يشوفنى و لا يتكلم معايا و المشكله الاكبر انه دلوقتى و صلنا لحالة انن لما بنقعد مع بعض مش بنتكلم 5 دقايق على بعض و ده طبيعى بيأثر على حالتى النفسية و بيخلينى تقريبا علطول عصبية
و المشكلة التانية انى بحس انى بعيده عنه مش بيشركنى معاه فى حياته و لما بتكلم معاه فى الموضوع ده بيقولى ديه طبيعته و فعلا هو كده حتى مع مامته بس انا مش عايزه كده كنت بقول جايز يتعود لكن مفيش فايده؟؟؟!!!!!!!!

بجد انا بحبه و هو بيحبنى و مش عارفة ايه الى بيحصل ده ..
ارجو من الاخوات ان يفدونى
و السلام عليكم و رحمة الله و بركاته