لا حول ولا قوة الا بالله.. وانتم الحل الوحيد عندكم الزواج؟؟ والادهى والامر اللي نصحك بانك تعلمها بنيتك بالزواج عشان تتعدل؟؟!! ياخي تراها زوجتك مب خادم ولا حيوان اذا قصر بالشغل نضربه ولا نهدده عشان يرجع يشتغل؟؟!!

ياخي تراها انسان ولها مشاعر وعلى فكره ترا لها لسان ! يعني لو بتجلس معها جلسه رومنسيه وتسألها وش السبب ممكن تتكلم وتقولك وش السبب.. واذا صرحت لك ان متعتها قلت وهي ماتدري ليش ياخي اقرب مستشفى يمكن لخبطة هرمونات ولا فطريات ولا يمكن يكون فيه التهاب منغص عليها وتكون مشكلة بسيطة وحلها ابسط وانت على طول فكرت تتزوج ثانيه..

يمكن تكون انت تغيرت معها قلت مداعباتك او طرأ عليك اي تغيير اثر عليها ممكن هي تصرح لك بهالشي اذا انت عطيتها الامان وحسستها انك تبغا تحل المشكله مب تحقق معها يعني خلي اسلوبك هادي وحلو وابتسم وهي تتكلم معك لا تخوفها..

ياخي اذا انت لك رغبه بالزواج باخرى انا ماحرم ما احل الله لكن اذا تعتبره حل لمشكلتك فانا اقولك للاسف هذا مب حل ممكن اسلوبك في الجماع مايعجب الثانيه بعد وتبدا تتهرب وش بتسوي.. تتزوج ثالثه؟؟

اذا عندكم اطفال ممكن يشغلون بالها وماتقدر تعطيك حقك ترا النفسيه والروقان اهم شي في الجماع اذا الواحد مشغول باله او قلق من موضوع مايقدر يستمتع.. ممكن شغل البيت يهد حيلها واخر الليل ما يكون لها مزاج.. اذا هالموضوع مرة هامك واكتشفت ان هذا هو السبب اقترح تجيب خادمه تاخذ بالها من الاولاد وتريحها من شغل البيت شوي وبكذا تتفرغ لك المدام وتضبط نفسها وتعطيك اللي تبي وزياده ( صدقني الخدامه بتكلفك اقل بكثييييير من الزواج بثانية)..

انا اعطيك بعض المشاكل وبعض حلولها عشان انت تبحث وتشوف وش مشكلتكم بالضبط وتشوف كيف بتحلها..

__________________