الباب اللي يجي منه الريح سده واستريح
خذيها قاعده خلي الناس تحتار كيف تتعامل معاكي مو انتي اللي تحتارين......وقصدي هو خلك وجه واحد وخلي الغلط غلط مهما كان والصح صح مهما كان....
انا عندي في الدوام طائفتين قولي حزبين وكل حزب يكره الثاني وانا في الوسط لا لي في الاولى ولا لي الثانية ووقت الغلط غلط ومو خايفه من شي والحمدالله اقابل الاحترام من الجميع ولا في يوم أحد يتجرأ ويقولي لاتروحين عند فلانه لانها كذا ولا علانه لأني ما احب احد يجيب سيرة أحد بالشين وسوالف الغيبة والنميمة ماكثرها....
أول الايام واجهت صعوبه لأنهم ناس جدد واحترت كيف اتأقلم معاهم فكنت أجامل واستمريت على المجاملة لين ماكتشفت انهم يسيروني على هواهم وزعل وغيره وغيره بعدها حسمت الموقف واني ارجع لاصلي ما أجامل إلا اذا كان الموقف محتاج مجاملة غيره محد عنده عندي شي ولا أحد يقدر يقطع رزقي اللي ربي قاسم لي.....فكل هذه الفئات اتركيهم وراكي وخلهم يشربون من البحر.....
والوقحين مالهم مكان ولا كأنهم موجودين حاسبي في التعامل معاهم يعني اذا في مصالح مشتركة بينكم كعمل خليها عمل وبس لأنك اذا تماديتي معاهم لا تستغربين اذا استوقحوا عليك يوم من الايام.....
هل يحب المجتمع الشخص الذي يقول بأفعاله لا أريدكم .....ولا يقولها بلسانه.......ولكن المجتمع يتمسك به ويحترمه وخاصه صاحب النفوذ او المال او الاناقه......
اي هل يعامل الناس الشخص حسب وضعه وماله ومركزه؟؟؟؟ هل ترون هذه الحالات كلما ازداد نفوذ زود الناس له المحبه
للأسف هذا هو المجتمع حاليا.....انا معك ان كنت من أصحاب مال واناقة وغيره فأنت في أمان....هذه الايام الشخص يقاس بهيئته وبالماركة الفلانية والكم الفلاني...
فإن استحضرت العقل فاستحضر مالك قبله وستكون مسموع الكلمة.....
__________________
