ام مشموشه ،،، الفرويه ،،، اسمعو نصيحتي / اذا كنتو معودين ازواجكم على الكلام الحلو والدلع ، اقطعو هالعاده لفتره .

ان جيتو للحق / انا كنت بنفس اسلوب زوج ام مشموشه تقريباً زوجتي ماتناديني إلا بأحب الاسماء واحلى المسجات توصلني ، وكنت افرح من جد ، بس مايبين علي ماهو لأني جلف !! والله اني رومنسي وحنون ، بس لمجرد اني قبل ما اتزوج كانت حياتي نوعاً ما ذكوريه بحته وفيها من الجد الشيء الكثير ، وما اعرف اعبر عن مشاعري بالمررره مع انها تكون موجوده بصدري وودي اعبر بس ما اعرف ، فلما استمريت على وضعي بهالطريقه مع زوجتي تفاجأت ان زوجتي ماعاد تناديني بأسماء الدلع والكلمات الحلوه ، ولاعاد ترسل شي ، وصارت تعاملني عااادي جداً ، فبعدها انا بديت احن وابغى اسمع اييي شي منها ، واضطريت اني اصارحها وانا (منحرج بصراحه ) لأني خجول نوعاً ما في هالامور ، فلما صارحتها وقلت لها وش فيك تغيرتي علي ماعاد اسمع منك كلام حلو مثل اول ؟ قالت وش اسوي ( انا كريمه معك ، وانت بخيل معي ) والمثل يقووول ( مايُخدم بخيييل ) .

صدقوني ثاني يوم انا جايب لها ورده حمرا وانا منحرج ، والحمدلله تغير حالي من حااال إلا حااال وصرت ابادلها الكلام الحلو بأحلى منه .

وصلت الرساله ؟