يالله الله يعيينك والله .. صج الموضوع يقهر .. يالله يعني في ناس صج صج ماعندهم كرامه .. والله لو مب متزوج ولا عنده حبيبه ولا خاطب ولا اي شي ف الدنيا وبمووت عليه .. ماراح افكر اني اقول له كلمه او اسوي له هالحركات ... وهاذي تعرف انه متملك .. ويحب زوجته وتسوي كل هالحركات .. اووف صج ناس ماتستحي ...

حبيبتي .. انتي فهمي احمد انه لو ما كلمها وحط له حد انتي راح تكلميها .. قول له لا يهاوشها او يهزأها .. انما يفهمها بمنتهى الاحترام .. لانه هالاشكال لو تهزات يتهيأ انها بناخذ الموضوع عناد ولو كانت تبي تشيله من باله مابتشيله عناااد .. وممكن تسوي له سوالف وتتبلى عليه ..

خليه يقول لها يا بنت الحلال انتي الف من يتمناك ماشاء الله عنك مب ناقصك شي .. بس هاذي كتبة ربي ومانقدر نعترض عليها وان شا الله ربي بيعوضك باللي احسن مني " مع انها مابتلقى " .. وياريت انتي تكوني معاها عشان ماتسوي لها حركه جي والا جي ويتهوق زوجك مسكين ..

صدقيني هالناس ماتيي بالتهزيء ولا بالتطنيش هالناس تمشي بالحيله ... اساليني اناعنهم .. ابتلشت فيهم وااااااايد ...


بس سؤالي ياحلوه .. زوجك يشوفها ويوم يشوفها اش يسوي ؟


قولي امييين بس ... عسى زوجك مايشوف غيرك قمر .. وعساه ياربي يبعد عنك وعنه كل شر .. ويحببكم في بعض ومايحرمكم ويزوجك بعض بسرعه يااااااااااااااارب ..

أختج .. أم فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...