الله يهديك اختي ...
انا استغرب من الزوجات اللي تزعل اذا زوجها ما جاب لها هديه ...
انا اخر مره زوجي جاب لي قطعة ذهب بولادتي بابني الثاني اللي الحين الله يحفظه عمره 17 سنه ..
بعدها ما شفت منه ولا شي الا كل سنتين او ثلاث يشتري لي زجاجة عطر اذا سافر للعمل ..
السنه الماضيه امه اللي ساكنه معنا قالت له ابغى تغير لي سلسلة الذهب .. راح محل الذهب و اشترى لها
سلسله مره حلوه و كانت فرحانه وهي تقولي شوفي ابني وش جاب لي .. قلت لها يمه تستاهلين احلى منها
كمان .. و مسكني على جنب وقال لي والله انا مستحي منك يا بنت عمي من زماااان ما اشتريت لك ذهب
قلت له انت عندي بالدنيا كلها ...
و بعد ما توفت امه قبل كم شهر الله يرحمها و اتفقوا عيالها يبعون ذهبها عشان يتصدقون بالاموال .. اشتري
لي السلسه اللي عطاها اياها قبل ما تتوفى و معها قلب و خاتمين .. طبعا القلب و الخاتمين من الذهب
القديم .. والله اني فرحت فيهم ..
اخر 4 مرات ولدت فيهم ما عطاني هديه .. اخر ولاده كانت قبل شهرين ..
صار لي متزوجه 24 سنه عمره ما عطاني عيديه ..
كل عيد يعطي عياله و حتى الشغالات فلوس يوم العيد و انا اطالع عمره ما مد لي فلوس ..
يقول لي اميرات تبغي اعطيك عيديه اضحك و اقول له انت و ما تملك لي انا ..
والحق ينقال لو اطلب لبن العصفور يجيبه لي ..
ما له داعي انك تشحذي منه الهديه دام انه ما يقصر معك اذا طلبتي منه .. انت خذي منه الفلوس واشتري
اللي نفسك فيه ..
و سالفة السفر .. مو لازم تسافري .. اذا قال بنسافر قولي له ما لي نفس على السفر وانت تضحكين ..
وبالنسبه للعلاج للحمل .. حاولي يا اختي ان وقت التبويض تحرصي انك ما تزعليه و تهيئي الجو عشان
تحملي .. وانت و ذكائك اختي ..
وربي يسعدك ..