اخي صاحب الظل الطويل اولا عذرا لاستخدامي حيزا من موضوعك لاطرح فيه موضوعي ولكن لثقتي العمياء باراءك
بس تعقيبا على ردك والله انا واعوذ بالله من انا اول اولوياتي بيتي وكنت مأجلة دراستي عشان بنتي وولدي ما ابغى انجبر اخليهم عند شغالة او في حضانة لعناعتي الشديدة انو ماحد بدير بالو عليهم كثري عشان كده انتظرت لمن دخلو المدرسة وانا كمان بحثت لي عن مجال دوامه يطابق دوام المدرسة بالضبط وكمان بالنسبة لبيتي انا اتفقت معاه انو اطبخ من الليل عشان نقرف ناكل من يد الشغالة وقلت له انا احاول جاهدة اني ما اقصر فيك قد ما اقدر واذا قصرت انا بشر لكن هو عارف اني ملتزمة لدرجة الموت وهي كلها سنتين ونص الدراسة نغمض ونفتح وعدت وصار عندي اللي اتمناه
اخي صاحب الظل الطويل والله ما كلمته بعصبية بس هو اسلوبه كده خاصة في المواضيع اللي يشوفني متعلقة بشدة واتمناها بشدة لدرجة اني ابكي زي الاطفال يبدأهو باسلوبه يعني زي موضوع الدراسة راح صورلي الاوراق المطلوبة وداني لعندهم احط اوراقي وبعدين الرسوم فينها قال لي الاوراق اول وبعدين خير والان روحي خلاص جيبي الاوراق قلت له ليش طالما انت ما تبغى ن الاول ليش تخليني ارز وجهي ودحين روحي اسحبي ليش تحرجني قالي عادي اصلا وجهك ----------
بس ما احب ادخل في الاهانات
بس ابغى اعرف ايش اسوي وهل هذا معناه الرفض او الاذلال لان الموضوع جايب لي الكابة والله ما تتصور مقدار الضيق اللي في حتى اولادي ما صرت طايقتهم
وعفوا على الاطالة ولكن ليس لي بعد الله سواكم