حبيبتي مو كل الرجال بعبرو
وبدي انصحك
لما تتزيني خلي هدفك الاول من التزين انو عشان ترضي نفسك
قصدي احنا النساء بنربط كل شي بازواجنا
فان رضو نصير في السما من الفرحة
وان زعلو بنتحطم وننزل لسابع ارض
وهالشي غلط
اهم شي الوحدة تهتم بنفسها وحالها وجمالها عشان تشوف حالها حلوة في المراية وتعزز ثقتها بنفسها
ياتي بعد ذلك مباشرة غرض انو عشان زوجي و يشوفني حلوة وهيك
مابعرف ازا فهمتي قصدي
بس اجعلي ثقتك بنفسك تنبع من داخلك وليس من مدح زوجك او الناس او عدمه
اوثقي بنفسك عشان انت عاجبك حالك وشايفة حالك جميلة
الناس بتيجي وتروح والدنيا تتغير
ازا ربطتي حالك بالناس حتى لو زوجك
فثقتك مش ثابتة ومعناها ان تغير زوجك ثقتك بتتغير
وهادا غلط
اتزيني وانبسطي عشان زوجك حلو
لكن خلي كمان من اغراض التزين انو تعجبي حالك وتدلعي نفسك
وقتها حتحسي بالثقة طول الوقت
بما انو زوجك مابعرف يعبر
وبيجيكي بابتسامة
اعتقد هوة بحبك كتير
وبعبر عن الحب هادا بالنظرة
يعني لو مافي ردة فعل كان قلت زوجك بارد
بس هوة مابعرف يحكي
وببتسم وبطلع بحب الك
اعتبري زوجك لغته حسية وليست كلامية
بالنظرة او اللمسة او الابتسامة
انت حاولي معاه وبنفس الوقت انبسطي انو بعبرلك بنظراته
يعني انا بقول اتاقلمي وانبسطي فيه بترصفاته
بعبرلك بالحب انو مابخرج الا معك ولا بتنزه الا معك وكل شي معك
قمة الحب والرومانسية بس بالتصرفات مش بالكلام
واحنا بنحب الكلام كمان
لهيك اشتغلي عالاتنين
انبسطي بالوضع الحالي
وماتقطعي الامل واكثري الاستغفار فانه فيه سحر عجيب في زوال الهموم وتفريج الكروب
وانا بنظري ياجماعة الي بتقلوو نقطع الكلام الحلو وهيك عن الرجال
كل رجال الو طبع ولايجوز التعميم
ممكن زوج الاخت صاحبة الموضوع لو انقطعت عنو بالكلام وهيك عادي يبقا متل ماهوة
يمكن وليس اكيد
يعني مافي قاعدة عامة
ممكن يصير اسوا ويزعل ويصير ابرد منها
انا بقول ماتقطعي بالمرة
لكن اثقلي عليه
عامليه متل مابعاملك
حسيتي انو تحسن او صارحك حلو
حسيتي انو صار في جفا وبرود و قطيعة اكتر بينكو كلمية واحكيلو كنت بدي احسسك احساسي وهيك
وازا حسيتي انو متل ماهوة معناته هادا طبعه ولايمكن يغيرو
انا بقول احمدي الله زوجك بعبرلك بالتصرفات
والله حاسة انو الكلام مهم جدا لنا كنساء
لكن ازا زوجك بتغزل فيكي وبس قاهرك بتصرفاته
بسافر لحالو وبطلع وبتركك
مش كنت حتزعلي اكتر
جربي كل الحلول واكيد حتنجحي بإذن الله
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت