وهل صحيح ان المراه العامله ما ممكن توفق بين بيتها وزوجها واولادها وبين عملها ؟؟؟




عزيزتي انا عندي 3 اطفال وصارلي 4سنين بشتغل والحمدلله منسقه بين الاولاد وزوجي

اول شي بحب لما ارجع البيت احضنهم وأسالهم شو أكلوا وشو لعبوا وعملوا خلال غيابي وبسمع شكاويهم وحكاياتهم (( عادة بتكون عن خناقاتهم ))

تاني شي طول اليوم بضلني احكيلهم اني بحبهم وبحضنهم كتيييييير حتى يحسوا اني قريبه منهم بلعب احيانا معهم وبلون معهم بس اكون فاضيه (((الفتره الاخيره تقريبا الخمس شهور الاخيره مع دخولي شهري التاسع وولادتي وانشغالي بالبيبي الجديد انشغلت عن اللعب معهم متل اول )))

عادة بنيمهم الساعه 8 وبتفرغ وقتها لزوجي بعد ماانيم اصغر ولادي ((هدا الشي بتغير في الاجازة نومهم بختلف من يوم للتاني ))

بالنسبه الك وطفلك اذا انت قريبه من قريب ((امك ام زوجك اختك ))) الافضل انك تتركيه معهم افضل من الشغاله اما اذا كانت حالتك متلي ماحدا حواليك بدك تتضطري توكلي امرك لربك وتتركيه مع الشغاله بس ترجعي للبيت رضعي البيبي كلميه خليه معك طول اليوم اول شي بكون هالشي صعب كتير بس الا ماتتعودي ولقدام بتنظم نومه وبتتعودي على الوضع

لاتقلقي حبيبتي عليه استودعيه الله كل يوم واتطمني

تحياتي

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..