والله يا اختي مش عارفة ايش اقلك
صراحة حماتك بتقهر كتير يعني فوق كل شي بتقول انا مابصرف وماعندي فلوس ومش عارف ايش
انت معك حق تنقهري منها بعد كل شي
وتنقهري من اخواته الي بسافرو اكم مرة في السنة ومابعطو امهم وامهم ساكتة كمان وجاية عليكي انت
لكن انت الي عليكي تعمليه ترمي كل الكلام ورة ظهرك
وتحتسبي اجر الفلوس والحجات هاي لله وفقط
صدقة جارية وبر الوالدين وبس
وحماتك ست كبيرة اتحمليها وطنشي
وماتتطلعي على معاملتها او حبها لسلفتك ابدا
متل ماقالو الاخوة اعتبريه هادا نصيب
وصدقيني بيوم من الايام الحق ببان
لو انت تستحقي الحب اكتر من سلفتك الله حيكشف كل شي وحيخلي حماتك تموت فيكي اكتر واكتر
بالنهاية اكيد بتحبك ومابتكرهك
بس هيك يمكن بتعاملك متل بناتها يعني مابتخلي بنفسها شي الا وبتقولو ماتزعلي منها
احتسبي الاجر لله وماتقهري حالك ابدا مش مستاهل الامر
وعادي زوجك حر بعطي اهلو متل مابدو طنشي وماتدقي
وكلو في ميزان حسناته
واعتبريها صدقة جارية في اهله
والصدقة تدفع غضب الرب وتكف البلاء فهنيئا لك انت و زوجك
وحابة انبهك انك ماتقولي عن زوجك ملقوف عيب يااختي وانت اكيد مش قصدك ومن قهرتك عليه
ومعك حق انو ماكان مفروض يلومك قدام الناس
لكن مهما كان هادا زوجك
اهم شي علاقتك فيه وحبك الو وخلص
طيب ممكن اقلك شي وماتزعلي
يمكن حب حماتك لسلفتك
بسبب انو بيتها مرتب اكتر او نظيف اكتر
نظرا لانك كنت كاتبة عن سوء حالة بيتك من النظافة والترتيب
يمكن حماتك مدايقة منك مشان هيك وحاسة انو سلفتك ارتب وانظف
انا بقول يمكن
وماتزعلي لكن خدي هاي النقطة في الحسبان
موفقة اختي
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت