منتدى عالم الأسرة والمجتمع - عرض مشاركة واحدة - سفرتنا الرمضانية من مطابخنا الي موائدكم

06-09-2008, 11:40 PM

#12

لوليته

عضو نشيط جدا

تاريخ التسجيل: Aug 2005

المشاركات: 413

السلام عليكم ورحمة الله وبركاته

مبارك عليكم الشهر >>>>> اعذروني جت متأخره ..........

اليوم جبت لكم صور بعض من اطباقي سواء كانت فطور او سحور

انا بحط الصور فقط والي تبغي طريقة اي طبق تسألني وانا احطها لها

اوكي

يالله نبدأ

رز بشعيرة مع مرقة بامية وسلطة فواكه وفتوشة

مطبق لحم

سبيجتي لحم

كباب مع خضار وبطاطس

كشري

شورية فطر وكلوب هاوس

مكرونة بيتزا

دجاج بالليمون مع الخضار والبطاطس

نجيت دجاج طبعا بيتي

سلطة لذيذة على مكرونة وذرة وبقدونس وجزر

باقي عندي صور كثيرة بس تعبت
بشوف اذا في ردود تشجع بكمل تحميييل

لكم خالص تحياتي

طريقه الناجيت البيتي

يقطع الفيليه قطع صغيره مثل االمكعبات

ثم تتبل يوم كامل<<الافضل

بحليب بوني علبة واحده وفلفل اسود وثوم وليمون قليل وكمون

ثم اذا تتبلت يوم كامل

تغمس بالبيض والبقسماط و

توضع كل قطعتين في عود خلخال

ثم تقلى

وصحتين

طريقة الكلوب هاوس
توست منزوع اطرافه
ومايونيز تخلطينه مع الكاتشب وتدهنين فيه اول طبقة من التوست
واذا تحبين تضيفين له دجاج مسلوق منزوع العظم طبعا تخلطينه مع المايونيز والكاتشب
وشريحة من الطماطم وشريحة من الفلفل البارد تضيفينه على المايونيز
بعدين تجيبين توست وتغطين هالطبقة
وتحطين عليه بيض مقلي او مسلوق وفوقه جبن شرائح سليس وتغطينه آخر شي بتوست
بعدين تقصينه بالسكين من الزواية بحيث يكون على شكل مثلثات وتغرسين في كل حبة عود خلخال
وتدخلينه الفرن حتى يتحمر من فوق وتحت بس لاتطولين لانه بسرعه يتحمر
وبس
وصحتين وعافية

طريقة السلطة
مكرونه اصغر حجم مسلوقه
علبة ذرة
وبقدونس مفروم
جزر مبشور
بصل ابيض طويل
ملفوف على حسب الرغبة
تخلطين جميع المقادير السابقة وتضيفين لهم عصير ليمونتين وملح وزيت زيتون
وبس
وصحتين وعافية

هو في انواع كثيرة لطبخ الكشري
بس انا طريقتي جدا سهلة
تسلقين كل من الرز المصري والعدس الاسود والمكرونة طبعا كلا على حده
ولاننسى الشعرية نقليها بقليل من الزيت ونضيفها للرز وهو ينسلق
بعدين اذا انسلقوا كلهم نخلطهم مع بعض ونرجعهم للطنجرة او اذا حبيتي سويها على شكل طبقات
وحطيه في صينيه بايركس اول شي الرز وعليه المكرونه بعدين العدس الاسود وشغلي عليهم النار وصغري
عليه لمن يترسى
ونقلي له بصل جوانج ونضعه على الوجه
وطريقة الصلصه
نحمس قليل من البصل المفروم ناعم مع قليل من زيت الزيتون
لمن يذبل نضيف له عصير طماطه وحده طازجه وعلبة معجون طماطم
ونص كأس ماء
وملعقة خل ابيض وملعقة شطه حاره وملقعة كمون وملح وفلفل اسود
ونصغر عليها لمن تثخن
وبس وصحتين وعافية

اما طريقة مكرونة البيتزا
تسلقين مكرونه وتضعينها في صينية بايركس
وتسوين لها صلصة البيتزا
وطريقتها انك تحمسين بصل وطامطم وفلفل بارد (مقطع مكعبات)
وتضيفين لهم معجون طماطم وقليل من الكاتشب وزعتر بري (اورغاينو) وملح وفلفل اسود
وتحطينه على المكرونة وتحطين فوقه زيتون مقطع شرائح وفطر وجبن مزرولا وتدخلينها الفرن
لمن تترسى وبس
صحتين وعافية

انتظروني غدا بمزيد من الصور
اليوم كنت بنزل بس للأسف انشغلت كثييير

__________________
اللهم احفظ اطفالي من كل سوء يارب
اللهم اهدهم واصلحهم ووفقهم

التعديل الأخير تم بواسطة indienne ; 12-09-2008 الساعة 12:38 PM السبب: دمج الطريقة مع الوصفات