الله يعافي لك زوجتك...و يرزقكم الذرية الصالحة..و يصلح لكم بنتكم و يجعلها قرة عين لكما..


صالح زوجتك..و أتفاهم معها على طريقة سليمة لتربية البنت و ممكن تستعين بمواضيع عن تربية البنات..من النت ، كتب ، استشارة اسرية..أشرطة أو سي دي ..

بصراحة الأم و الأب هم اللي يربوا الأطفال الجدة للأم و الأب عادة هم اللي يدلعوا ..و الأطفال حالهم يزيد عند الجدة و الجد.و ممكن يسوا عمايل في بيت الجدة ما يتجرئوا يعملوها في البيت....بس الأم و الأب هم اللي يعدلوا الموقف...يعني لا تستغرب موقف الجدة للأم..أكيد كمان حزينة على بنتها لأنها ممنوعة من الإنجاب..

راعي مشاعر زوجتك فهي ممنوعة من الإنجاب و تحس إنه هذه البنت هي اللي طلعت بها من الدنيا...عشان كده تدلعها و تنفذ لها كل رغباتها..و ممكن أهملتك بسبب هذه المشاعر..
بس أنت اللي تقدر توصلهم لبر الأمان ..شوي شوي زيد ثقافة زوجتك بتربية اللأطفال..و الحياة الزوجية و كيفية التوفيق بينهما..وحاول تكسب بنتك..قوي علاقتك بها ..العب معها..كلمها..حكيها حكايات..نومها..علمها الأمور اللي لازم تتعلمها البنت في عمرها..عشان تخفف الضغط اللي على زوجتك ..و في نفس الوقت البنت تسمع كلامك لمن تمنعها من شيء مضر لها..شوي شوي حتكبر وتفهم و إن شاء الله تتعدل...

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..