اسأل الله لك التوفيق والسداد وان تلقى الزوجه اللي تقر عينك بالدنيا والاخرة
يا اخي لا تتظايق وانا اخوك
والله إن الحال من بعضه مثل ما يقولون .. شي غريب اللي يسونه بعض الامهات
آنا عمري الحين 24 سنة وداخل في 25 ووظيفتي الكل يتمناها ولله الحمد وراتبي
فوق الممتاز والله ان حالي بفضل من الله احسن من حال كثير من ربعي
صارلي اكثر من سنه على نفس موالك واذن من طين وأذن من عجين
انته يمكن مشكلتك في انهم مايتحركون وانت بعدك ما اخترت
انه من كثر برودهم قمت اسأل عن البنت الزينه وعن اهلها ولي تأكدت منهم
اروح واقولهم خطبو فلانه بنت فلان
ويماطلون يماطلون الين البنت ماتروح بحال نصيبها وتتزوج
شي غريب عجيب
قبل يومين دخلت بشد وجذب مع الوالده الله يحفظها اقولها خطبيلي اي بنت زينه
عمري بدش ال 25 .. ردها كان انطر لي ما تصير 29 بعدين فكر بالزواج !!!!!
يعني والله شي مضحك مبكي
والله يا اخي ما ازكي بنفسي بس من صغري وانه احضر بالدروس واحب اقرى لدرجة
اني صرت انصح ربعي المتزوجين وكثير منهم حليت مشاكلهم بفضل من الله وحده
وصرت مؤتمن اسرارهم ومشاكلهم الزوجية ... مع هاذا عزوبي !!!! ومحد يتحرك
اقولك على حركة مره سويتها وزوجت فيها صاحبي
لي صاحب نفس حالك بالضبط لكن مشكلته اهله قاموا يدورون بنات لشباب الجيران
واهو مايخطبون له !!!! وينطرونه بالاشهر
فقالهم تزوجون عيال الجيران وانه لابسيني !!!!
فكان متظايق .. فعرفت ان اهله ماينفع معاهم المواعظ ولا الحنه واللويه
فقلت له بارك الله فيك ... تمسك جوازك وتحجز تذكره للعمره لك بروحك
وخلك غامظ لحد يعرف ... واذا سألتك الوالده قولها رايح اي دوله سمعتها تعبانه
عشان تخاف وتحس شوي
وفعلاً طبق الحركه ... خواته وامه لمن دروا انه حاجز لدوله سمعتها تعبانه واهو بالاساس مو حاجز
زوجوه بظرف 3 شهور
والله الواحد وده يجي اهله بالهداوه والرزانه
بس مرات يحدونه عالتفكير الاجرامي
اعذرني على صراحتي بس مشاركتك حركت فيني مشاعر دفينه
