ما فيه احد يقدر ينكر ان فيه فوائد للجنسين في التعداد والا ما كان حلله ربي
لكن اللي يقول ابعدد عشان احل مشكله العنوسه اسمحولي هذا نصاب (كلمة حق يراد بها باطل)
لو يسون احصائيه للنساء بيلاقون ان نسبة المطلقات اكبر بكثير من العانسات ولا ننسى المعلقات (مطلقات بشكل غير رسمي او حتى شرعي) ولو يسون استبيان لغير المتزوجات عن سبب عدم زواجها انا متاكده ان الغالبيه هو عدم وجود شخص كفو ومناسب لا بسبب قلة المتقدمين لها ولا بسبب الماديات يعني بصراحه ما فيه شباب عندهم استعداد حقيقي لتحمل المسوليه والمصيبه والكارثه ان الجيل الجديد من الفتيات ايضا بدأ يقلد الشباب في عدم تحمل المسوليه
فبدل ما ننظر للقشور ليه ما نعاج الاصل نصلح شبابنا ونعلمهم على تحمل المسوليه ونعالج اسباب واحوال الاسر المتفككه
ولو استمرينا نفكر بالطريقه الحاليه يمكن تنتهي مشكلة العنوسه لكن تتضخم مشكله الطلاق والتفكك الاسري وهذي بنظري مشكله اكبر
يعني يرضيكم اطفال يعيشون بين امهم وابوهم في بيت واحد لكن كل واحد منهم مشغول عن الاخر ومحد يعرف عن الاخر اي شيء ( زي الي عايشين في بنسيون)