منتدى عالم الأسرة والمجتمع - عرض مشاركة واحدة - كيف يقضي الزوجين العيد حسب عادات الزوج أم الزوجة؟

02-10-2008, 08:38 AM

dodi_dabdoobi

عضو مميز

تاريخ التسجيل: Apr 2006

المشاركات: 2,684

انا كل سنة في حرب و مرة اكسب و مرة خسرانه و هذي الحمد لله رابع سنة و قلت ان شاء الله الشيطان ما يتدخل و اتعوذت منه لحد ما وصلت مكه (-اهالينا انا و زوجي في مكه و نحن ساكنين في جده عشان عمله-) و سألني فين نروح قلتله انا من ايدك دي لايدك دي
اللي تشوفه
اللي يريحك
اذا كنت تبغاني اروح لبيت والدتك و انا انحبس في غرفة وحده و اخوانك يرتاحو انا قابلة و ما عندي مشكلة
و اذا كنت تبغى تاخذني على بيت عمتك اللي عاملين فطور و هم مختلطين (حريم و رجال ) و انا اتحبس في غرفة لحالي انا برضو قابلة و ما عندي اعتراض
لكن اذا تبغى ترتاح مني و تفتك من وجع دماغك و تفكر في مصيري عند اهلك و الرجال الأحسن توديني بيت اهلي و انت تروح اي مكان بس انا افضل اني اكون معاك احس بوجودك في العيد

كيدهن عظييييييييييييييييييم

وصلنا مكه و صلى المشهد مع اخوانه و قال نروح نسلم على عمتي و نروح -دغري- على بيت اهلك (انا اتفاجأت)
و أول ما خلص الصلاة قال يللا على بيت اهلك
قلتله طيب و عمتك
قال مو لازم

عرفت ان الحرب خدعة كلمة صحيحة 100%

و الحمد لله على الفوز هذي السنة و عقبال باقي السنين

و تم بحمد الله قضاء العيد عند ماما و بابا الله يطول عمرهم و يعطيهم الصحة و العافية يااااااااااااارب بس حزت في نفسي اني ما رحت للمشهد و انا كنت اتمنى بس ان شاء الله العم القادم ان الله مد في اعمارنا

__________________
رب لا تذرني فردا و انت خير الوارثين