المشاركة الأصلية كتبت بواسطة راكانوفا

الله يعطيكم الف الف عافية يااخواني واخواتي ...........
والله ياجماعة المشكلة ماهي مشكلة حاضر المشكلة مشكلة مستقبل.....................
انا اقولكم كيف.........
1- الانسانة هذه غير مسؤلة يعني بكرة النهار اجيب منها اربع ولا خمس اطفال وترميهم لي وتقول لاتحملني مسؤلية اطفالك زي اللي صاير الان تقول تبغاني اربيهم لك ولما يصر عمرهم سبع سنين تجي تاخذهم .لا خذهم الان ولا اكتبلي تنازل عنهم للابد ولا تجي تنط على كل شوي تقول ابغى اشوف بناتي ( عقلها صغير الله لا يبلانا )

2- نكدية ومتذمرة من العيشة معاي وصياحة نياحة ( ومستحيل تتغير هذه حطو تحتها مليون خط ) وانا انسان عملي بنظام الشفتات يعني لازم الاقي راحة عشان اقدر انتج في عملي وانجح في حياتي .

3- البنات الان صغار ومايفهمون لكن بكرة لما يكبرون ويلقون امهم وابوهم كل كم شهر متهاوشين كيف حتكون نفسيتهم .

4-للاسف للاسف اخواتها الصغار يقودونها ويشورون عليها ويجيونها مع السواق ولا مع اخوهم الصغير وياخذونها اذا تهاوشنا وامها وابوها غسلت يدي منهم .

5- عنيدة وراسها يابس ولسانها طويل ( حتى انا صار لساني طويل عشان ارد عن نفسي ) .

ايش رايكم بالله هل العقل والمنطق يجبرني اني اصبر على انسانة بهذا الشكل اكثر من صبري اربع سنين مضت .

لو قلت بتزوج عليها بصراحة صعبة اصرف على بيتين ومادري يمكن تكون الثانية مجنونة زيها يروحون يجننوني الثنتين .

بصراحة انا فكرت ارميها بيت اهلها فترة شهرين ثلاث اربع يمكن تتربى بس حتى لو ...
ايش يضمن لي انها ماترجع لعادتها بعد مايكون عندنا اكثر من البنتين ذيك الساعة اقول ياريتني طلقت من بدري زي ما انا قاعد اقول ياريتني طلقت وقت الملكة ولا قبل الاطفال .
معليش طولت عليكم بس اعذروني ولي عودة ان شاء الله
اخوكم راكانوفا