اقتباس:
المشاركة الأصلية كتبت بواسطة سلامات يا قلبي
أهلين بأم محمد الغالية
يا ربي حياتي كلها وداع ولقاء بهالغربة وحتى هون ملزومين نودع احبة إلنا
واعضاء حبيناهم وتابعنا مشاكلهم
يا قلبي انا
خدي إجازة مفتوحة من كلامنا ومشاكلنا بس مو تتركينا
والله المنتدى من غير عنادك مو حلو 
متأكدة انو هالقلب الكبير ما بيهون عليه تركنا
صار هالمنتدى كالوطن بنروح ونبعد بس الا ما نرجع لاحضانه
الله يسر امورك حبيبتي ويسهل عليك كل صعب ويقويك ويشفي حمودي ويعينك ع تربايتهم
ويقر عيونك بشوفتهم من المهتدين الصالحين
ان غبتي عنا فمكانك محفوظ بقلوبنا
يعلم الله انك غالية على قلبي
أم وليد
|
أهلا وسهلا بست الكل شو باين عايشه عم تدلل عليك وتأخدك منا بس منيح اللي شفتك قبل ماأفل..
مشاكلكم مابتتنسى لأني عاطول بضلني ادعي للكل ولو كيف بدي أنسى أحلى عيله الكترونيه ياعيب الشوم..وأنا مابيهون علي اتركم بس ماحبيت اطلع من دون ماعتذر منكم واجبر خواطركم وخبركم حتى ماتعتلوا هم وياستي شو بك استخسرت على الأعضاء هدنه من جنوني عليم الله قد ايش جننتكم واستحملتوني والمتل بيقول اذا حبيبك عسل ماتأكلو كلو فمابالك اذا كنتم أنتم الشهد والبلسم لجروحي.. وان كان على مكاني فهذا العشم فيكم خيتو..واسأل الله أن يهون غربتكم ويردكم لوطنكم سالمين غانمين.. والك ولعيلتك كل ماهو أجمل بالوجود..الله معك تؤبشي قلبي..
__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)