منتدى عالم الأسرة والمجتمع - عرض مشاركة واحدة - كيف كان حال طفلك في أول يوم دراسي له ..؟!!

12-10-2008, 07:46 AM

كبار شخصيات المنتدى

تاريخ التسجيل: Jun 2006

المشاركات: 2,790

موضوع جميل جدا....

قبل بداية العام الدراسي الجديد.....في كل يوم هدوء الصبح مافي غير الموظفين في البيت يقعدون وهم مبوزين وكل واحد ماله خلق للثاني

والحواجب كذا

لكن عندما حان اليوم الدراسي الأول عند أحفادنا......

اطلقت صفارات الانذار في أرجاء البيت احتفالا و استعدادا لاستقبال اليوم الأول للعام الدراسي الأول لكل من:

كبير الأحفاد وقائدهم (عبدالله) اول الأحفاد (ولد أختي)

ونائبه الذي لا يقل عقلا منه (زايد) ثاني الأحفاد (ولد أخوي)

طبعا اليوم يعتبر يوم تاريخي قلنا لازم اتكون الكاميرا موجودة...

طبعا قعدوا الشباب وهم في قمة النشاط والحيوية والأسنان كلها برا من الوناسة

....اللي يجهز ملابسهم واللي يحممهم واللي يجهز اللنج بوكس (أهم شي في الموضوع) وبأوامر من المدير العام (الجدة)

بأن يوضع لهم كل ما يحتاجونه ويتمنونه من الجوكليت فتم إضافة تويكس لسواد عينهم

طبعا أنا ودعتهم لين السيارة لأني عارفة الكارثة اللي راح اتصير بعد ما يكتشفون عمارهم في المدرسة

....الحمدالله عدا اليوم الأول على خير لأن المدرسة كانت عاملتلهم حفلة استقبال وطبعا جايبيلهم شخصيات من الرسوم المتحركة.....بس زايد كان خايف كثير لانه يخاف من الأقنعه وكان خايف وكل شوي ينادي على أمه ويسأل المعلمة وين راحوا

لين ما جننها أول يوم

والحمدالله اندمجوا مع الأطفال ومن قوانين المدرسة ان يتم تسليم الطفل عند باب الفصل وخلاص وبعدها تتحمل المعلمة كل شي لا يسمحون بوجود الأهل معه ويبدأ تعليمهم وتعويدهم من أول يوم ......بس كان يوم رائع بالنسبة لنا لأن صارلنا كثير وما عندنا طالب مدرسي.....

وهذا زيهم المدرسي:

شعار المدرسة عالقميص

وهاذي علاقيات بأساميهم عشان يتعرفون عليهم....

__________________