المشاركة الأصلية كتبت بواسطة ^^om Omar^^

والله ياأم السوسه عورتي قلبي آنه وضعي صج يختلف عنج لكن آنه بعد هالأيام تفكيري وايد مشوش ومقموته لأن إذا تذكرين سالفتي على أساس إن أبو ولدي بوديه بره علاج فألحين قالولي إحتمال هالإسبوعين يوديه ويمكن يطول معاه شهرين أو ثلاثه والله مادري وأهو أساسا صار له 4 أشهر بحضانة أبوه وآنه ماني عارفه شسوي بهالفتره لأني السنه اللي فاتت كنت وياه يوم نروح نعالجه فألحين مستنكره الوضع إني ماراح أشوفه طول هالفتره ومادري هناك شراح يسوون له والله إن قلبي متقطع حتى الأيام اللي فاتت أقول حق أهلي والله لو عندي رصيد إجازات و مبلغ مالي زين والله أروح أقعد ببيت الله وماأرجع إلا لما يرجع بس ماأقدر قلت راح أشغل وقتي أسجل بنادي وأكمل بدار القرآن لأن آنه الحمدلله سجلت من السنه اللي فاتت ونجحت بأول سنه وهذي الثانيه وأشوف بعد شراح أسوي والله المستعان

مرات لما يضيق خلقي أقول ليش يضيق خلقي آنه ماصار فيني اللي صار إلا لأن ربي يحبني إنشاء الله وايد ومنو يحصل له إن الله يحبه جذي وفكري دايما إن راح يكون في يوم قريب إنشاء الله موبعيد بنكون أسعد الناس مع أطفالنا وحسبي الله ونعم الوكيل على كل ظالم حرم كل أم من أولادها وخلانا بهالحال