المشاركة الأصلية كتبت بواسطة فيافي نجد
بنتي الان في الصف الثالث
لكن اول يوم دخولها للمدرسه عذبتني عذاب الله يصلحها
اول المراحل تهرب بالحوش بعدين نصيدها بنركبها السياره
ثم تنطلق في الشارع ويلاحقونها السواق والشغاله
ولما نصيدها بعد جهد جهيد لروح معها الشغاله وتشيلها مثل الاطفال تخيلوا تدخل على الطوابير وهي حاملتها
كانها بيبي وماتفكها الا بكرسيها بعد ماتسلمها مدرستها
هذي المرحله بعد ماطفشت انا منها يعني بعد اسبوعين صرت ارسل الشغاله معها
سنه كامله وهي ماتروح الا بتهديد السلاح
لدرجة مره بكيت عند المديره من شئ سوته فيني
اختى اخصائيه نفسيه قلت لها شوفيها عالجيها لي
جلست معها وماتوصلت لحل
وكل المدرسه عرفوا غاده
لانها يوم نزلناها ورحنا وهربت من المدرسه بالشارع وصارت حالة استنفار
الكل طلع يدورها
وجابها الفراش وسلمها لزوجته وزوجته للمديره الى ان استلمتها انا
عدت على خير الحمد لله
والعام بنتي الله يحفظها كرموها مرتين
مع الموهوبات!
موهوبه في فن الهرب يمكن..
وكرموها كمتفوقه
|