حبيبتي صاحب بالين كذاب..

انا وحده جربت دوامين كورسين.. صعب التوفيق..

صحيح اخذت امتياز.. بس شئ على حساب شئ..

بالنهاية طلعت ما استفدت 100%

اختي المعهد ياتأجل.. لكن فكري فيها بجد.. الجامعة ما تتأجل..
والمعهد مو مثل الجامعة..

الدنيا اليوم تشوفينا بالسعودية.. اذا ما معك جامعه يعني انت ولا شئ..


واللي بالجامعة هم خايفين.. ما يكفيهم شئ..
وشوفي اليوم وضعنا بالسعودية.. البكالوريوس.. صار عادي.. يلزم لك ماجتسير ودكتوراه.. وشوفي شكثر طلاب مقدمين على ماجستير.. داخل وخارج البلد..

يعني احسبي الامر على 10 سنين جاية الدنيا ما تضمنينها..

وشهادة المعهد لاتسمن ولا تغني من جوع..واصلا بكرا ممكن يقولون لك هذا المعهد غير معترف فيه..

ساعتها وش بتسوين..؟؟؟

لانه القرارات كل يوم قرارا...وانا احكي لك من تجربه ومعرفه.. عندي شهادات كثير.. من معاهد.. بس مو فايدتني بشئ.. بالحكومي.. شهادات المعهد بس احطها زينه في سيرتي الذاتية.. ووالحين العالم تبي اقوى من البكالوريوس.. وان شاء الله اذا اتيحت لي الفرصة داخل السعودية.. وهو ادري صعب.. او خارجها.. راح باذن الله اكمل ماجستير..

وصدقيني ونصيحه لوجه الله.. الدنيا مو مضمونه..بكرا ماتدرين وين تكونين.. شهادة الثانوية العامة..للبنت السعودية اليوم توظفها عاملة نظافة.. وانا ياما سعوديات مروا علي عاملات نظافه.. ومعهم الثانوية..


وبالمناسبه احب اعطيك خبر..

اي شهادة اخذتيها قبل تخرجك.. من الجامعة ما تفيدك في اي وظيفه حكومية..

انا كنت ادرس بالكلية .. وبالصيف ادرس كورسات..

وفرحانه بشهاداتي.. قالوا اي شهادة قبل تتخرجين لو بيوم ماتفيدك بشئ..

بعدين ركزي على الجامعة.. ويعالم يمكن تجيبين تفوق وحصلك فرصة دراسات عليا.. او ابتعاث خارج البلد...

والجامعة فرصة والله ما تتعوض.. المعهد باي وقت تروحين له..

ونسيت اقولك شئ. ثاني.. اذا تدرسين بمعهد اقل من سنة بالوظائف الحكومية غير معترف فيه..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء