السلام عليكم ورحمة الله وبركاته ..

اول شي اسمحي لي اختي اني ادعي حق اخوي عزوبي بس رجل بان يرزقه الله الزوجة الصالحه والذرية الصالحه اللي تنفع الامة ان شاء الله .. ويكونون من خيرة الناس ياااارب ..

لانه كلامه عين العقل ماشاء الله تبارك الله .. وفعلا كلامه احنا ماقلنا لك حطيه في غرفه والا اربطيه حتى انا ..

كل اللي عليك تسوينه .. انه كل ماقام من على الكرسي ترجعينه .. وباين عليج علامات الجديه .. وصدقيني ياختي بيصيح مرة مرتين ساعه او ساعتين حتى مع اني ماتوقع .. بس صدقيني هاذي طريقة ممتازة للتربيه ..

وانا اقول لك هالكلام عن تحربه اختي ...


ايضا اختي .. حاولي تمدحين بعض صفاته امام ابوه او اخته او الناس الغرب اذا سوا شي طيب .. صدقيني انه هالشي يبعث فيهم الحماس انهم يسوون الشي الطيب مره ثانيه ..

وانا اقول لج هالكلام عن تجربه .. يعني بنتي الله يحفظها كانت دايما تلعب وتخلي الالعات وتقوم وعلى فكره بنتي ايضا عمرها سنه 8 وشهور .. قعدت معاها مرة وقلت لها يلا ماما نرتب عشان بيتنا يصير حلو .. وقمنا رتبنا مع بعض ..

يوم رجع ابوها من الدوام .. قعدت اقول قدامه انه فطومه هي اللي رتبت البيت وهي اللي سوت وهي وهي وهي .. صدقيني الحين صارت دايما ترتب اغراضها وتحب تساعدني في المطبخ يعني يوم احط الاغراض هي تحط مثلا الاشياء السهله على السفره مثل الملاعق الكتشب وجي ..

الله يهدي عيالنا وعيالج ويبارك لنا فيهم يارب ..

اختك .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...