الف مبارك اخي
بالنسبة للسؤال الاول هادا يعتمد على شخصية البنت
انا زوجي شخصيته متلك بحب المرح والضحك واجتماعي ...الخ
واول يوم كان معي طبيعي جدا وكذلك انا
لانه كان عارفني قبل وكنت اعرف شخصيته كمان
وكنت سعيدة جدا بانفاتحه علية من اول يوم
انت بما انك من كلامك مابتعرف خطيبتك منيح لسة
شو ضمنك تفهمك صح ولا تقول عنك خفيف؟
لانو في بنات مابحبو هيك من اول يوم وبحبو الثقل وبعض الجدية او التصنع
لهيييك لاتكون جدي بشكل مبالغ ولا مرح زيادة
خليك عادي
وادرس شخصيتها وعالاساس هادا تعاملها
تاني سؤال طبعا ممكن تتغير حسب البنت
ياما عرفت نساء طباخات وماهرات ومافي احسن منهم
ولما تتزكر اول ايامها في الطبخ في بيت الزوجية
تقلك يييييه ماكنت بعرف اقلي بيضة
فالي بدها تتغير بتتغير
السؤال التالت المجاملات دايما لازمة لكن المهم الطريقة
يعني مجاملة الازواج لازمة حتى بعد الزواج
كان يتغزل الزوج في زوجته والهدايا والمشاعر الجميلة
يعني لانسميها مجاملات انما تصرفات تقرب ومودة ومحبة وعشق
وفي فترة الملكة لازم طبعا بس بدون تصنع عبر عن مشاعرك وحبك الها
وتغزل في شكلها وجمالها
بس بالصدق ومش بالكزب
يعني مايكون شعرها خشن وتقلها شو هالشعر الحرير
مش تصدف تشوفها بالبيجاما تقلها شو هاللبس الانيق اخر موضة
يعني بالصدق والعقل الي تحسو عنجد احكيه بطريقة حلوة
الف مبارك و بالتوفيق
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت