::: الاحساس بالذنب والخوف سوف يأكلني ويجنني :::
السلام عليكم ورحمة الله و بركاته ،،،
لانكم اخوتي وارائكم اثق بها وتريحني نفسيا ساخبركم بالموضوع
من فترة في رمضان رحنا محل نشتري شي للبيبي المنتظر انا و زوجي
المهم كان في ام و ولدها صغير 6 سنين يمكن هيك
ويمكن كان الاب موجود بس مش مهم
المهم كنت شايفة الغرض وعاجبني ولاني لااحب البضاعة المعروضة لانها تاخد غبره و ماسكها ميت واحد قبلي
طلبت يحضرولي من المخازن واحضرو
الولد كان واقف بجانبنا عالحساب وصار يلعب بالاشياء وامو مامنعته ولا قالت شي
وانا هالحركات مابحبها خاصة لما يكون ولد كبير بهالسن بميز وبسمع الكلام
يعني لما امر بهيك موقف ازا الام قالت لابنها لا يا ماما عيب وبتعتذر لي بقلها لاعادي بهمش بسيطة وببتسم
بس لما الام تطنش وتترك ولدها عادي يخبص في اغراض الناس ويفتش فيها بتنرفز
المهم انا ماعجبني وصراحة مابعرف كشرت او لا بس ماكنت مبتسمة ولا زعلانة شكلي عادي
وسحبت الغرض منو ودرت وشي
بعد شوي اكتشفت اكتشاف حطمني وعملي عقدة
اكتشفت انو الولد معاق(الحمدلله الذي عافانا مما ابتلاهم به وفضلنا على كثير ممن خلق تفضيلا)
انا هنا تحطمت من كل قلبي وتنكدت ولم اعد مسرور باي شي شريته
يعني لو اني عارفة انو معاق كان ابتسمت الو و يمكن ياخد الغرض ويروح مش مشكلة
بس انا حسيت اني شريرة كنت وقاشية ويمكن جرحت مشاعر امه
يمكن فكرت اني متعمدة اقرف من ابنها لانه معاق
بس اقسم بالله الذي خلقني وخلقكم انا لم اعرف انه معاق انا لست شريرة ولا حقودة ولا متعالية
حرااااااام هوة معاق ايش ذنبه؟مش قصدي اقسم بالله انا ماكنت عارفة شو ذنبي؟
والله والله والله ماقصدت لكن الي حصل حصل
حاولت اطلع عليه عشان يطلع فية وابتسم الو
لكن ماطلع
فصرت ابتسم وانا انظر لناحيته يمكن يطلع فية ويشوف ابتسامتي
مش عارفة امه شافتني او لا مش عارفة لاحظت عدم انبساطي او لا
الله اعلم
خرجنا وبعد كزا يوم نسيت وقلت انا ماعملت شي متعمدة
لكن الان من كم يوم رجعتلي الوساوس
ورجعت صورة الولد لاتفارق مخيلتي
وحاسة بالذنب واني انسانة حقودة وشريرة وقاسية وماعندها احساس
لكن انا ماكنت عارفة
بس خلص الي صار صار
وصرت موسوسة الله يعاقبني في ابني الي جاي بعد شهر بعيد الشر عن قلبو
يعاقبني انا واموت مش مشكلة بس ابني لا
خايفة وحاسة بالذنب
وصرت احلم احلام غير شكل
واصحى خايفة ومدايقة
وكل ماافرح بالبيبي واتزكرو او اتفرج عالسرير او اشياؤه
اتذكر الولد واتنكد
تحدثت مع زوجي وقال انت ماعليكي ذنب ماكان قصدك ولا كنتي عارفة
فضفضت لاكثر من شخص ولا فائدة كلهم بيقولو نفس الكلام وانا الوساوس اكلني
وخايفة
وحزينة والان اشعر اني اريد البكاء
بصير اقنع نفسي واقول انا لو تعمدت اكون هيك معاه ثم استغفرت الله وتبت
فالله يقبل التوبة ويسامح
فكيف وانا مش عارفة اصلا وغلط غير مقصود
اكيد بسامحني الله
لكن مش عارفة شو مالي مش راضية ابطل الوسوسة والاحساس بالذنب وخايفة صرت من الولادة
وبتخيل ايش ممكن يصير فيها اغلاط او اخطاء تؤدي الى اذية ابني
ساعدوني قلبي تقطع
عشان الموقف الي صار من جهة واحساسي بالذنب والحزن على الولد
وعشان وساوسي الي قطعتني من جهة اخرى
فساعدوني الله يسعدك امين
هل انا شريرة؟هل انا قاسية؟هل سيعاقبني الله وينتقم مني؟
هل انا ظالمة في حق احد وهالحق راح يتاخد مني باي شكل
تعقدت والله وبدعي بقول لو الله بدو يعاقبني يعاقبني انا
بس ابني لا
زعلانة كتير سامحوني عالاطالة لكني متقطعة من جوة كتير
ماتفهموني غلط ماتقولي اني تعمدت واني ماعندي مشاعر ولااحساس
لاني لم اقصد لم اقصد لم اقصد
ولمممممم اعرف ان الولد هيك حالته
ولو انو طبيعي ماكنت حسيت بالذنب كان قلت امو مسؤولة عن تربيته
سامحني يارب
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت