منتدى عالم الأسرة والمجتمع - عرض مشاركة واحدة

16-10-2008, 10:10 AM

#12

ام معاق

عضو جديد

تاريخ التسجيل: Oct 2008

المشاركات: 46

اقتباس:

المشاركة الأصلية كتبت بواسطة حاملة الهم

السلام عليكم ورحمة الله وبركاته ..

بداية اختي الفاضله ... الله يصبر قلبج ويردج ولدج مثل قبل واحسن ياااارب .. ويكتب له شفاء ان شاء الله ويرزقه من حيث لايحتسب ...

قد تكون اختي ردة فعلك طبيعيه نوعا ما في العقاب ... لكنك استعجلتي قليلا ... يعني كف شي ابدا مب هين .. وابد الضرب في هالسوالف ماييب نتيجه .. اما انج الحين ضربتيه وخلص الموضوع ...

فيمكن اللي عليج انج تسوينه ..
انج تروحين معاه مطعم او تطلعون مع بعض بالسياره " اذا كنت تسوقين " وتنزلون في منتزه او حديقه .. وتقعدون مع بعض .. وتكلمينه بكلمات تنتقينها بعناية تامه ...
" في البداية تجنبي انج تتواصلين معاه بعيونج ... واظهري حزنج الشديد .. وفهميه وحسسيه انه هاي اكبر غلطه ارتكبتيها في حياتج .. وقولي له انه كل انسان معرض للغلط .. واطلبي منه للحظه انه يعيش معاج الدور وانج يتخليج انتي الولد وهو الام وشافج وانتي تحاولين تذبحين اخوج اش رايج يسوي؟؟

على اساس رده تردين عليه .. لو قال لج بسوي نفسج رح تقولين وهذا اللي انا سويته وندمت فالله لا يحطك في هالموقف ..

اما لو قال لج انه راح يسال قبل هو ليش سوا جي ... فقولي له ماشاء الله عليك على صغر سنك لكني اتعلم منك .. صدقيني انه هالدرس كان لي انا قبل مايكون لك انت .. اني ما استعجل قبل لا احذ اي قرار .. وخاصه يوم يكون بالنسبة لشخص يعتبر كل حياتي ..

اما الطريقة الثانيه اختي .. انه اول مايبدا يدوخ ويرقد .. روحي قعدي عنده واهم شي لو سوا نفسه راقد لاتطلعين ... خليج قاعده وقولي ادري يا ولدي انك راقد لكن انا مب قادره اكلمك وانت قاعد على راحني لانك زعلان علي .. لانك يا غالي يا اعزك اكثر من اي شي في حياتي متضايق منك ومعاك الحق .. انا والله احبك و و و و و ومن هالكلام ...

واخيرا .. اذا يا يرقد عندج لما ابوه يكون مسافر ... قومي صلي ركعتين وصيحي وادعي فيهم وخليه يحس فيج ..

وايضا شي مهم .. كلمي ولدج الصغير وهو مب موجود معاكم بس في مكان يسمعكم خالد شتقولون .. قولي حق ولدج الصغير وفهميه انه اللي سواه علط وقعدي مدحي في خالد ومدحي ومدحي بس اهم شي هو مايحس انج تدرين انه يسمعكم ..

اتمنى شي من هالطرق تفيدج وللاسف ماعندي غيرهم ... ومادري اذا بيفيدون مع ولدج .. بس ان شاء الله ماراح ننساج من دعائنا ..

اختك .. ام فطومه

يااااااااااااااااااااه كلامك حسيته ثلج على ناار قلبي
لانك عطيتيني حلول عمليه وسهله التنفيذ
وانا لعلمك جربت شي واحد من اللي ذكرتيه اللي هو لمن يرقد
بس انا اروح عنده قبل ماينام واجلس اتكلم معاه وارجع افتح السالفه
بس في كل مره تضيع الكلمات مني خصوصا لمن احسه مومتقبلني
والله احيان اتركه والعبره خانقتني من شكله
وانا فعلا استعجلت بس انقهرت من تصرفه يعني تخيلي عيالك يتذابحون بسكين؟
وليته كبير اقول لحضة غضب وبينسى00اللي خلاني اقسى عليه هو صغر سنه
يعني لازم حزم بالموضوع خصوصا وانه كرر الجمله وكأنه يتحداني
تصدقين يا ام فاطمه صرت النوم ما انامه زين
والله محروق قلبي عليه
لو تشوفينه ينقسم قلبك عليه00وغصبا علي ارحمه وادلعه بزياده حتى لو شافوا بعض الاخوات اني افسده
لانه معاق يعني يحتاج العاطفه والحنان دبل
كنت قرييييييييييييييييييييييييبه منه حيييل واعتقد هذا سبب زعله مني
حاسه الان بفراغ بحياتي لاني اكتشفت مدى الفراغ اللي تركه
ماسمعت ضحكته من يومها ولا شفت ابتسامته

الله يسامحني

الف شكر لك حبيبتي
وجعل همك ينزاح عنك