السلام عليكم ورحمة الله وبركاته
انا ويني عن الموضوع الزين من زمان ..
انا مغتربه في كندا و بالتحديد في اوتوا .. منطقة هاديه جدا وناسها جدا طيبين ومتفهمين ومتقبلين المسلمين بشكل جدا راااائع .. محترمين الثقافات والديانات ولله الحمد ..

بالنسبة للجو عندنا فبدا البرد تقريبا درجة الحراره في نزول مستمر .. ليحين مايانا البرد العدل درجة الحراره توها 5 .. والاسبوع الجاي ان شاء الله بيبدا الثلج بالتساقط ..

الاسواق والمجمعات هنا عاديه ومافي شي وااايد حلو .. يعني اذا حبينا نشتري للعيد ممكن نروح لمونتريال اللي تبعد عنا ساعتين تقريبا ..

اما بالنسبة للغربه .. فانا حبيتها وايد ..
لسببين ..
السبب الاول انها خلتني اعتمد على نفسي واعرف نقاط ضعفي واعدلها و نقاط قوني وازيدها وانميها ...
السبب الثاني .. انها قربتني من زوجي وخلتني اعرفه عدل واخدمه بعيوني في كل كبيره وصغيره ..

وايضا احس غربتي مب وايد صعبه لاني انزل مرتين تقريبا في السنه .. مب مثل بعض اخوانا الله يصبرهم ويجمعهم بمن يحبون يااارب ويربط على قلوبهم ومايريهم مكرووه ابد ياااااارب ..

شاكرة لج هالموضوع والحمدلله على نعمه التي لا تعد ولاتحصى ..

اختك .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...