عندما يسافر زوجك تجلسين في بيتك ام تذهبين لبيت اهلك ؟؟؟

عندما يسافر زوجي افضل في بيتي .. او اطلع عند البنات الي معاي في العماره لاني اخاف انام بروحي هني .. لكن بداية زواجنا
سافر زوجي وماكنت اعرف حد فبقيت في شقتي ...

هل تسمحين لزوجك السفر للخارج من دونك او مع اصدفائه ؟؟؟

طبعا اوافق وبقوة .. لانه الرجال مساكين يتعبون والله .. او بقول زوجي يعني مادري عن كل الرياييل ..واحسه وايد يتعب في دراسته فمب غلط لو سافر شوي وغير جو.. وان شاء الله بكرة لين تخرج وتوظف .. ان شاء الله بنسافر وااايد مع بعض .. بس بعد ما امانع انه يسافر زوجي مع اصدقائه .. عشان يغير جو بس مب فترة طووويله .. يعني اسبوع بالكثير لاني والله ماقدر على فراقه ..

هل معنا الحق في منعهم من السفر للخارج وحدهم ام لا ؟؟؟؟؟؟

اكيد ... قرارت مثل هاذي يتخذها الزوجين معاً ..


كم مره في الاسبوع تذهبين لزيارة اهلك ؟؟؟


ماجربت والله اني اعيش في بلادي عشان اعرف اشكثر بزورهم بس يتهيا راح يكون كل اسبوع او مرتين في الاسبوع بحكم انه بيت اهل زوجي يبعد دقيقة بالسياره عن بيت ابوي ..

حلوة الاسئلة .. موفقة اختي في مواضعيج الروووعه .. يعطيك العافية


اختج .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...