منتدى عالم الأسرة والمجتمع - عرض مشاركة واحدة - بالأمس حلمي اكون زوجه واليوم حلمي اكون (ام)

23-10-2008, 01:32 AM

غموض السنين

عضو مميز

تاريخ التسجيل: May 2007

المشاركات: 2,173

بالأمس حلمي اكون زوجه واليوم حلمي اكون (ام)

السلام عليكم ورحمه الله وبركاته

مسائكم \صباحكم ورد وفل وكادي

العمر يمشي والايام تمضي وحنا مو حاسين فيها
او حتى نستشعر مرورها السريع
يمكن مع هموم حياتنا ومشاكلها الى مو راضيه تنتهي الله المستعان
الانسان مايحسب عمرة كم صار او كم مر عليه
يمكن لان ماعندنا ولله الحمد والمنه اعياد ميلاد
والا حفلات ميلاد كم يسميها البعض
عشان كذا تلاقووووووووون اغلب العالم يمشي عمرهم وهم موحاسين كم اساسا وصلوا
بنفس الوقت تلاقيهم متشفقين وخايفين يمشي عام وينتهي من عمرهم وهم للان واقفين مثل مهم
على قولتهم مثل البيت الواقف
هذا حالي انا بالضبط

على كثر مو متخوفه من تاخر عمري من دون زواج
على كثر ماكنت احسب الايام تركض ركض

بالامس القريب كنت فرحانه بدخولي للمدرسه
بالامس القريب كنت انتظر صباح العيد بفارغ الصبر
بالامس القريب كانت حياتي من دون هم وتعب كل همي لعبه او فستان جديد
بالامس القريب كان ابوي يودينا ويجيبنا ويجيب كل الى نفسنا فيه قبل مايصير مقعد نهائي عن المشي
بالامس القريب كنت كل تفكير وشلون تصير حياتي اذا كبرت

بالامس القريب كانت احلام الفتاة المراهقه والاحلام الورديه تتلاعب بمخيلتي الصغيرة

ولكن

لكل بدايه نهايه
وكل صغير لابد يوم من الايام يكبر
ولكل حلم واقع لابد تصحو من اجله

وفعلا صحيت من حلمي

ولكن

انصدمت

تصدقون بالله اني انصدمت يوم دريت ان ماباقي غير ثلاث شهور باذن الله واكون مخلصه باذن الله وبحول الله قوته اذا كتبلي ربي عمر 27 وادخل الثمانيه وعشرين

تصدقون اني كنت اقول بيني وبين نفسي اني متاخرة بالزواج والى كبري لهم سنين متزوجات بس الموضوع ماعمرة ضايقني كثير
تمر علي لحظات اتضايق ولكن تروح بسرعه ولله الحمد والمنه لاني متوكله على الله وواثقه ان ربي لان يتخلى عني باذن الله
كانت يمكن متقبله الفكرة اني متاخرة
ماعمري صارحت نفسي وجلست معاها جلسه حقيقيه اني فعلا كبرت
او عقلي الباطن مو راضي يقتنع ان العمر يمشي

وانك ياغموض خلاص كبرتي
انتي مو غموض الى قبل كم سنه صغيرة وتحلمين احلام ورديه
لا انتي الان على مشارف الثمانيه وعشرين بحول الله وقوته

تدون كيف عرفت هالحقيقه المرة

او اني ماعمري فكرت احسب عمري
واحسب كم باقي واخلص سنه وهكذا

غير من يومين

كنت جالسه على قناة بتلفزيون وفيه ناس يرسلون اعمارهم بالهجري والميلادي للكنترول ويعلمهم بالظبط كم عمرهم
ارسلت وحدة بنفس سنه ولادتي بس هي اصفر مني بكم شهر تصدقون انفجعت يوم قريت عمرها 27سنه و ثلاث شهور
وحسبت عمري وقتها طلع 27 سنه وتسع شهور

هين انا انصدمت ومر علي شريط حياتي كله معقوله
مضى من عمري 27 سنه وتسع شهور ماشاء الله لاحول والاقوة الابالله وانا جالسه بيت ابوي لاشغله والامشغله
الى كبري عيالهم بالمدارس والى اصغر مني بعد عيالهم بالمدارس الله المتسعان بس

انا مو جزعانه او مو راضيه بقدري
الحمدلله مقتنعه وواثقه ان ربي ماكتب لي زواج للان
وعارفه ان متى ماكتب ربي راح يكون هاليوم باذن الله

بس الى مستغربه منه

كيف مروا علي هالسنين مو حاسه فيهم
تصدقون حسيت اني شيبت بيت ابوووووووووي

عجزت وانا جالسه عندة للان فعلا حسيت اني عانس عندة

معقوله ادخل بعد ثلاث شهور بحول الله وقوته بالثمانيه وعشرين

يااخوووواني قسم بالله مو قادة اصدق

قبل سنتين تقريبا اول ماحسيت من جد اني طولت متزوجت يعني على نهايه الخمسه وعشرين من عمري كانت امنيتي فقط اني اكون زوجه والبس الفستان الابيض واسافر شهر عسل واستانس وافرح
لكن الان امنيتي اني اكون( ام )فقط لا غير
اخاف العمر يمشي وانتم عارفين كل متاخرت الوحدة بالزواج كل ماقالت نسبه فرصها بالحمل

نفسي اكون ام
نفسي بطفل لي لحالي
اكون انا امه
ااكله على كيفي ماتجيني امه تقول هذا يصلح ووهذا مايصلح
اشربه على كيفي
البسه ملابس واختارهم على كيفي وذوقي
انومه عندي وبحضني اصحى من النوم على لعبه بوجهي

يااخواني يمكن دايم احاول ابينلكم الجانب القوي المتفائل فيني
لاني مااحب الياس والاحباط الحمدلله
لكن تجي للانسان لحظات ضعف
دايم تجيني لحظات ضعف وخصوصا اذا الموضوع يتعلق بالاطفال والامومه
اليوم اقرب شي قريت موضوع وحدة حامل تشتكي من النونو وحركاته وانها تضربه عشان يبعد ايدة او رجله

والله ماقدرت امسك نفسي او اتملك روحي ماحسيت غير بالدموووووووع ينزلون مني بدون شعور
واسال نفسي هل يوم من الايام يكون عندي نونو
هل راح اشعر بنفس مشاعر هالام

العمر يمضي اخاف اجلس اكثر من كذا
يكون كم باقي من العمر عشان اتزوج واحمل
يمكن بعضكم يقول صغيرة ومادري ايش
بقولكم كل مالوحدة من الحريم كبرت كل مكان حملها وولدتها صعبه

الله المستعان بس

فعلا احلام الانسان تتغير بين يوم وليله
لحد الامس القريب وانا كنت احلم اكون زوجه وربه بيت
واطبخ لزوجي واغسله
واخطط وش اعمله وش اسوي له
يمكن تضحكون اذا قلتلكم كنت افكر حتى اذا زعل وشلون ارضيه
ووشلون اذا بغيت فلوس منه كيف اطلبها

الان ماابغى شي غير اني اتزوج واجيب نونو واكون ام

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك