أم زوجك تسوي كذا لأنك أخذتي إبنها اللي ربته وسهرت عليه وأكلته وشربته وشافته يكبر قدامها يوم ورا يوم إنت أخذتي منها اللي حملته تسع شهور ورضعته سنتين وكانت تخاف عليه من الهواء الطاير وكل ذا من وقتها وعمرها وتعبها وصحتها إنت أخذتي قلبها وتركتي فراغ داخل صدرها إنت أخذت عقلها وتفكيرها المفروض يا أختي تعطفي وترأفي بحالها اللي قاعده تسويه غصباً عنها لا شعورياً تبغى تكون في حياة ولدها بأي صورة وتبغى تقرب منه بأي طريقة أكيد تلاقي زوجك قصر معاها شوية أكيد مر يوم ولا يومين وما شافته قلبها ولهان عليه نااار ورغم كل اللي تعمله أكيد هي بتدعي له في ظهر الغيب وقدامكم يمكن تدعي عليه وتعمل عمايل فأرجوك أرجوك حني عليها وقدري ظروفها وأوقفي معاها..

أختي لو أحكي لك أمي كيف كانت تعاملني بعد زواجي راح تقولي الحمد لله..

وأنا رايح أملك (عقد القران) أمي قالت لي روح الله لا يوفقك تخيلي يوم فرح زي ذا روحت وأنا أبكي..

كانت رافضة تحضر زواجي إلى آخر دقيقة وما حضرت إلا بعد ما رفضت أروح القصر وتأخرت على المعازيم وأصحابي كلهم جو يترجوا أمي عند الباب بعد ما رفضت كل الوساطات من جميع الأقارب إلى أن دخل واحد من أصحابي وحاول يبوس رجول أمي علشان توافق لأنه مر بظروف زي ظروفي تخيلي هذا كله والقصر مليان معازيم..

بعد الزواج أمي رفضت أن زوجتي تدخل بيتها لمدة سنتين تقريباً ولمن تروح زوجتي في المناسبات تنقلب الدنيا على رأسي..

أمي بعد مرور سنة على زواجي رحت أنا وزوجتي لفندق نقضي فيه ليلة أمي عرفت ودقت عليا وعايرتني إن زوجتي ما تخلف وقالت لي كان المفروض زوجتك تكون مخلفة وكلام ما ينقال..

كانت خرجتي مين بيتي بحساب ودخلتي بحساب كانت تجي تشوف سيارتي أنا في البيت ولا برا بالرغم إني ساكن لوحدي بس بيتي قريب من بيت أهلي يعني في نفس الحي ..

إيش أحكي وإيش أخلي ورغم هذا لازم كل يوم أمر عليها بعد نهاية الدوام قبل لا أروح بيتي وأجلس عندها شوي بعدين أروح بيتي وغالباً أروح لها في الليل كمان..

وأزيدك من الشعر بيت زوجتي بنت خالي يعني بنت أخوها لزم وهي اللي إختارتها لي..


لكن الحمد لله مع الصبر وربي رزقني بولد وتفهم زوجتي وصبرها تغيرت أمي كثير وأنا كنت مقدر ومتفهم اللي قاعدة تعملة لأني ولدها المدلل المطيع لها حبيبها فلذة كبدها وما أنكر أوقات أزعل وأوقات تكبر المشاكل ويصير مد وجزر لكن في الآخر لازم أكسب رضاها..

فيا أختي الفاضلة عليك بالصبر والدعاء وإن شاء الله ربنا بيفرج همك وترى أصبحت خبير في التعامل مع أمي في ظل هذه الظروف إذا إحتجتيمساعدة إن شاء الله راح أفيدك..

وأعتذر على الإطالة