اخواتى الغاليات والله انكم وحشتونى جدا
يارب تكونوا جميعا بخير ويارب يرزقنا جميعا الخير فى القريب العاااااااااااجل

دوبى حبيبتى كان الله فى عونك ولكن اصبرى ان الله مع الصابرين ولا تتركى العمل لانى بجد مبسوطه انك اشتغلتى على الاقل هيضيع نصف الوقت فى التفكير فى العمل والنصف الاخر فى موضوع الحمل يعنى احسن من انك تفكرى طول الوقت فى هذا الموضوع والله انا نفسى اشتغل ولكن للاسف زوجى لا يوافق تعرفى انا عندى صديقه تأخرت فى الحمل واول ما نزلت اشتغلت ماشاء الله حملت تانى شهر وعقبالك معاها الان اتنين واشكرك جدا حبيبتى على سؤالك عنى انا الحمد الله كويسه ولكن لاجديد عندى اضيفه الا انى سوف اذهب الاسبوع القادم للطبيب لنبداء عمل محاوله اخرى للحقن المجهرى ولكنى خائفه جدا من عملها واحاول ااجلها ولكن زوجى هو الذى يريدنى ان ابداء والله تعبت سبع سنوات علاج واجهاض وعمليات
اريد ان ااخذ راحه ولكن الجميع لا يتركونك بحالك الحمد لله على كل شىء

منى 777 ياقمر ان شاء الله الشهر القادم الدوره تتاخر بس يكون حمل واوعى تشربى اى شىء غير لما تشوفى الدوره نزله جامد وان شاء الله مش هتشوفيها تانى

نوره ام جبورى ايه اخبار جبورى ياريت تبوسهولى وان شاء الله تبقى مفاجاءه حلوه لاهل زوجك لما ترجعى بلدك ويشوفوا جبورى القمر

حلمى ام حمودى زعلانه منك مش بتسالى عنى خالص ايه نسيتى ديدو خالت حمودى على العموم مسمحاكى بس علشان خاطر حمودى ياريت تبسهولى بوسه كبيره

زهور الدعاء يارب يرزقك تؤام ان شاء الله بس مش تبدائى العلاج وتعملى الحقن ولا متردده مثلى لسه يلا نشجع بعض

جنى دان يا بنت بلدى ايه اخبارك فينك مختفيه ليه يا بنت يارب يكون خير

كوكااااااااااااااااااار يعنى موجوده فى مصر واحسك ابعد مما كنتى مسفره عموما ماشى يا ستى من لقا احبابه نسى اصحابه

غموض يا قمر احبك فى الله يارب يرزقك الخير ويعطى والدك الصحه ويطيل عمره

ملاك العراق ان شاء الله تكون بدايه كويس اهم حاجه انك عرفتى ان المشكله ليست فى الرحم تماسكى حبيبتى واعملى باقى التحاليل وان شاء الله الخير قادم

عاشقه الطفوله يا قمر كيفك يارب يسعد قلبك فى القريب باءذن الله

كريستاله ياقمر يارب يقوك بالف سلامه ويجعلك ساعه سهله انتى وجميع اخواتنا الحوامل وتفرحى بشوفه مولودك فى احسن حال

مشاميشو ياقمر مصر هتنور مرتين مره بوصولك ومره بوصول بنوتتك القمر واسم سلمى جميل جدا

كل الاخوات الغاليات يارب يرزقنا جميعا الخير عاجلا ان شاء الله
تقبلوا حبى ودعائى لى ولكم

__________________

رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ