اختي الحق معك

الاولاد يطلعو ميت عله وعله

الولد مسؤليتك وما تعتبريه الا مثل ولدك بارك الله فيك


بس بعد سنتين ثلاثه يا اختي ما حيكون من محارمك

و تخيلي بعدها بكم سنه صار شاب


لهلسبب اختي خلي بينك وبينه حدود
فهميه انه كبير وصار رجال و انك تحترميه
و تريديه قدوه و حتى انك مفكره توديه دوره كراتيه او جودو

صدقيني ما تلاقيه الا كبر فجاه وصار يعتمد عليه

و اعطيه مسؤليات يشتري لك من البقاله او يخرج معاك
و يعني تعطيه الفلوس من تدفعي على اساس انها منه
من تروحو للمطعم

روحو للمكتبه و شوفي اهتماماته
اشتري له قصص عن الصحابه و عن الانبياء
اشتري له قصص عن البطولات للفاتحين وعلماء المسلمين

غيري معاملته على انه طفل


اختي التحفيظ اتفهم رغبتك بحفظه للقران
لكن الطفل صعب يحفظ قران لوحده في البدايه من غير متابعتك

خليك يوميا معه الى ان يتعود يحفظ لوحده و انت اجلسي معاه قوليله احب اسمع قرايتك
و من يدرس لاتقعدي معاه تحلي معه
خليه يحل و انت شوفي حله شفوي و قوليله يكتبه و راجعيه وراه

اتفق معاك انه يحتاج له بين فتره و الثانيه فرمله قويه
بس اشوف انها لو تطلع من رجال تكون احسن
والدك او عمك او اخوك الكبير يكلمه
رجل لرجل

و اكبر مشكله يقع فيها المربي
انه يرفض طلب او يملي طلب بدون ابداء الاسباب

و ان كره شي او تحجج اطلبي منه السبب
و اقنعيه رفض اعطيه الرمان و بعدها ياكل السندويتش

بس بعد ما تتفقين معه
انك حتعطيه الرمان بس بشرط ياكل السندويتش

الطفل يحب الي يصدقه و ما يكذب ولا يماطل ولا يخبث
الا مع الي ياذيه
حتى لو ما كان اذى جسدي
ياذيه اذى نفسي

واذا شفتيه يتصرف بغباء
فالسبب من جريك وراه بالصغيره و الكبيره
اعطيه مساحه من الحريه لكن من غير ما ياذي نفسه وياذي الي حواليه

الله يجازيكي بالخير ويكثر من امثالك ويجعله في ميزان حسناتك
و يرزقك بالزوج الصالح و الذريه الصالحه