عليكِ أن تحاولي بكل الوسائل و خاصة إذا كان الزوج من النوع اللي يحب الجسم االرشيق
اذا فعلا بتحبي خطيبك لازم تضحي بأمور الطعام و الشهية
أختي هل جربت الدواء القاطع للشهية ؟؟
اذا جربتيه و ما نفع مالك إلا تسالي عن عملية ربط المعدة مع ربط المعدة لا يمكنك ان تأكلي أكثر من حاجتك
يما أنه عندك Bmi فوق ال 40 بامكانك تستخدمي الادوية هذه او تعملي العملية و أعتقد أنها الحل الأفضل
أختي نصيحة عامة من أخت لك بعد ما تنحفي
ثقي بكلامي لأني أنا درست كورس عن التغذية بالاضافة إلى تجربتي مع الريجيم
لا تعتبري موضوع الريجيم موضوع مؤقت ضروري جداً تغيري نظام حياتك كلو
لازم يكون عندك وقت مخصص كل يوم او كل يومين للرياضة
لن تحافظي على رشاقتك إلا إذا غيرتي نظام حياتك
أختي تنزيل الوزن مو بالصعوبة اللي انتي مفكرتيها
انا عملت ريجيم و رجعت للوزن الطبيعي و حافظت عليه من 8 سنوات
كل اللي عملته بعد الريجيم انه غيرت نظام حياتي عملت لنفسي وجبتين كل يوم
لما بصحى الصبح بشرب فنجان حليب و قطعة بسكويت او حلو صغيرة أشعر بالشبع حتى الظهر الساعة 12 (بعد 4 ساعات ) بفطر ساندويش مع شاي و الوجبة الرئيسية الساعة 6 مساء و بعدها ما باكل أي شي حتى أنام
و بهالطريقة صرت أحافظ على وزني مع العلم أني تاركة الرياضة من زمان لكن وزني ما بزيد لأني ما باكل بين الوجبات
أهم شي انك لما تجلسي على الطعام مع أهلك تنتبهي على نفسك لأن الأكل مع الجماعة بشهي أكتر
أنا لما كنت عند أهلي كنت ما أقوم من عالسفرة حتى أنتخم
أكلاتك المفضلة من الحلويات و الشوكولا لا تشتريها و لا تدخليها بيتك أتمنى أكون أفدتك
و رح احكيلك عن أولاد خالتي كلهم كانو فوق ال 100 و وحدة منهم كانت أقصر منك 145 سم
البنات ربطوا أسنانهم و بعد ما فكوها رجعو لعادتهم و رجع وزنهم القديم + فوقو 10 او 20 كيلو (لأن الجسم يصبح أكثر قابلية لامتصاص الدسم لما ينزل الوزن بسرعة متل سرعة ربط الاسنان)
أما الشاب ابن خالتي بعد ما فك ربط أسنانو قرر يغير نظام حياتو
من عشر سنين و هو محافظ على وزنه عنده وقت مخصص للذهاب للنادي الرياضي
و ما بياكل أكثر من حاجته و تزوج فتاة نحيفة طبخها يختلف عن طبخ خالتي الله يهديها كل عائلتها عندهم بدانة بسبب طبخها
أختي أنا اذا تكلمت عن موضوع الريجيم ما بخلص نصائح لبكرة لكن خايفة أكون طولت عليكي
و نصيحة مني أنك تثقفي نفسك بأمور الريجيم و حاجة الجسم حتى يصير عندك خبرة كل شغلة بتاكليها تعرفي شو فيها
و شوفي برنامج الرابح الأكبر و الله انه بشجع
الله يوفقك يا رب و ان شاء الله اي تساؤل أنا جاهزة
__________________
.
.
استودعتك أهلي في سوريا يا من لا تضيع ودائعه