موقف بدا بمزح وانتهى بزعل ( المشكلة حلت ولله الحمد )
السلام عليكم
حصل موقف بيني وبين زوجي، وانتم الحكم
ادخل بالموضوع.
امس كان زوجي يطبخ العشا لأنه هو اساسا يحب الطبخ، المهم انا كنت جالسه اعشي بنتنا لأنه كان وقت نومها، هو كان يقلب الأكل بالملعقه وبعدين اخذ الملعقه الساخنه وقال للبنت افتحي فمك احرق لسانك علشان توقفي صراخ،
هو قال كده وكان يمزح ويضحك، انا خفت عليها وصرخت عليه انتا جنيت الملعقه حاره، قام زعل هو وصرخ عليا بدوره وقال انا ماني مجنون عشان احرق بنتي ولا تكلميني بالطريقه هذي، تعتقدي اني عن جد راح اسوي كده والملعقه حتى ماهي حاره شوفي!
انا قلتله مايصير تمزح باشياء زي كذه مع بنتي، وانا ايش دراني يمكن تسويها عن جد بما انك اتجرات تسويها كامزح. في النقطه هذي عصب جدا جدا وقال هذي بنتي كمان وما كنت متصور ثقتك فيا كده، انا زعلت واخذت البنت وطلعت من المطبخ.
بعدها ما تكلمنا اتعشينا مع بعض وكل واحد ساكت ولا حتى شكرته على العشا كالعاده، وبعدين كمان جلسنا جمب بعض وتفرجنا على فلم وكل واحد ساكت، وبعد ما خلص الفلم روحت ونمت، وهو لحقني بعد 5 دقايق ونام جنبي على السرير ولا كلمه بيننا.
واليوم في الصباح جهزت فطوره وفطرت بنتي ورجعت نمت، وهو صحى وفطر وطلع من غير ما يعطيني بوسة الخروج كما يسميها، هو طلع بدري لأنه معزوم على كتب كتاب صديقه.
المهم ايش اسوي؟ مين الغلطان؟ وكيف اعتزر له لو انا الغلطانه؟
__________________
الامومة هي ان تضحي بكل شيئ جميل ليكون في اطفالك الاجمل