حبيبة قلبي يا كريست
الله يعينك ويهون عليكي تعبك
جزاك الله خير عالتجربة
حسيت من خلالها انو اولادة مش هلأد مشكلة
تعرفي لما احد يقولك الم ساعه ولا الم كل ساعه...هي مؤلمه مارح اضحك عليكي لكن انا اللي ساعدني بعد الله انه اخذت بالبدايه ابرة ظهر فخفف عني كثييييييييييييييير..
بس هادا للناس القوية مش للناس الي عاملين زي حالاتي
خدي قصتي الي صارت معي اليوم
متحطمة نفسيا انا جداااااااا
رحت اعمل الفحص الداخلي
واتفرجي عملك شادي كرهت حالي و حاسة بالقرف من حالي جدا
مجرد الدكتورة مدخلت اصبعين انا خلص مافيكي تتخيلي كيف صرت
حطيت ايدي عتمي وصرت اصرخ واقول دكتورة خلص خلص مش قادرة
المهم هية تقلي بطلي تشنج وانا مش قادرة
بالاخر وقفت الفحص وقال خلص براحتك مش لازم هلأ وقت الولادة بنشوف ومش ضروري هلأ
بس لازم تساعدي حالك وتضغطي عحالك عشان نعرف نولدك طبيعي ازا مابدك قيصري
لانو ازا بضلك عالحالة هاي حتتعبي كتير وتتعبينا معاكي بعدين تولدي قيصري
فحددي لو مش حتقدري تتحملي قولي
!!! شايفة
انا حتى زيك كانك تحكي عني بس انا اكتشفت انه الفحص الداخلي شر لابد منه وعلى فكره لما تعمليه اول مره نفسيتك كثير تتعب وتتشاءمي لكن مع المره الثانيه والثالثه خلاص الالم نفسه طبعا بس النفسيه تصير متقبله الوضع .. تمام زي الكشف المهبلي انا بتذكر اني بكيت اول مره عملته وبكيت نفسيا لكن بعدين خلاص صرت انا اطلبه من الدكتوره اذا حسيت انه عندي التهابات
بس الدكتورة عندها ضمير يعني ماحكتلي هيك عشان تريح راسها
لا قالت لازم تحاولي وتضغطي عحالك عشان تولدي طبيعي
وقالت انو فيه بنات كتير زي هيك وقت الفحص الداخلي بعملو هيك
بس وقت الولادة حكتلي حتنسي وحيكون كل اشي فيكي بوجع ظهرك وبطنك و من كل المناطق
فما حتركزي عوجع الفحص الداخلي عالمنطقة لانو كل مكان بوجعك
فانا صراحة مكتئبة وقاعدة ببكي من وقتها لهلأ ونفسيتي محطمة
مابدي اولد قيصري
وبنفس الوقت ماعندي ثقة اني اتحمل شي
ماحتفهمي انا كيف
بالمرة مابتحمل اشي
قبل الحمل الفحص العادي عندها ماكنت اتحملو
ولاشي بتحمل
زعلانة كتير من حالي يعني طول بعرض وبدي اصير ام وانا هيك بهالحالة
نفسيتي جدا محطمة زوجي بخفف عني بس مش قادرة انسا ابدا
اصبعين ماتحملتهم
كيف وقت الولادة اصبعين وتلاتة واربعة
!!!
رحم الله امرئ عرف قدره .. عشان انا عارفه اني ما تحمل الوجع طلبت ابرة الظهر فاول 3 مرات قاسولي فيها الرحم اتحملتها بنفسي لكن بعد كذا اخذت الابره وماصرت احس بيها كثير..لكن قبل الولاده الدكتوره شالت ابرة الظهر وحسيت بالم الولاده..
طيب كريستي احكيلي
ايش اكتر اشي بوجع
الدفع بوجع الدفع عشان الراس يطلع بوجع
كلهم حكولي وجع الطلق والفحص الداخلي افظع وبعدو بترتاحي
معقول هيك
اااخ ياكريستيلا اكيد حاسة فية الوجع الي فية كان فظيع كتير ماتحملت حرقة فظيعة مش طبيعي
ياالله ايش اعمل احكيلي
طيب بشكل عام انت كيف كان الوجع معك بالولادة تعبتي كتير ولاكيف؟؟؟
يعني تصنفي ولادتك سهلة ولا كيف
كله كوم والم (ما بعد الولاده كوم) انا اكثر شي تاعبني الخياطه الى الان باعاني
نصيحه مني تخلي زوجك ياخذ كم يوم اجازه بعد الولاده يساعدك بالبيت لانه رح تحتاجي مساعده..
والم خروج الراس فعلا ما بتحسي بيه لانه الكل يكون بيشجعك ههههههه زي المباراه الدكتوره والممرضات وزوجك بجد منظر يضحك واللي تحسي بيه وقت خروج الطفل زي الزحلقه كانه شي اتزحلق منك ..
عنجد لو ولدت قيصري بسبب دلعي وضعفي وعدم تحملي مش عارفة ايش ممكن اعمل
يمكن اعتزل الدنيا كلها
سامحيني عالاطالة بس قلت اكيد حتحسي فية منيح