بداية اختي الومك على غرورك حتقولي كيف الغرور
يعني لما تقولي مافي حد لمستوايا او يرضي غروري ... هالشي تعبير عن غرور وتكبر
او انو كان قصدك انو انت تتمني صفات معينة لم تجديها في احد ما
يعني خانك التعبير
عموما الله يهديكي اختي ولكن الغرور صفة سيئة مابتخليكي تشوفي الناس الا اقل منك مهما كانو جيدين
تقبلي هالملاحظة كاني اختك
تاني شي انا من ردود الاعضاء كلهم بقولو هاداجزء غرورك
ولكن احد ماعلق على علاقته ببنت اخيه
لدرجة فكرت حالي فاهمة صلة القرابة غلط
بنت اخوه يعني هوة عمها صح
يعني محرم بالنسبة الها
كيف بينهم علاقة غرامية
هادا معناه انو غير عن اي علاقة اخرى فلو كانت مع بنت عملو مثلا فهي علاقة ممكن ان تؤدي للزواج
وحلال الزواج منها
بس هادا محرم على بنت اخوه كيف علاقة غرامية استغفر الله
هادا اسمو انحراف و شذوذ
استغربت ماحد علق عالموضوع
عموما انت بداية تاكدي من طبيعة هالعلاقة
ازا اتضح الك انها فعلا علاقة غرامية وغير سوية
لازم تفاتحيه انو ينهيها ويصلح من نفسو
وانو هالاشي حرام
ويعني لازم تكوني لينة مع زوجك وماتتعاملي معو بشوفة حال
وماتكوني مغرورة
لانو الرجال بهيك حالة بنقسمو نصين
حالة زي زوجك بهربو لبرة البيت لبنت غير زوجاتهم
او انو بكون زوج شخصيته قوية زيادة وبكسر انف الزوجة المغرورة وبوريها كيف الزوجة بتعامل زوجها
وزوجك من النوع الاول
هرب منك ومن غرورك لابنة اخوه
كوني رقيقة مع زوجك فهو زوجك
صدقيني لو تعاملتي برفق وحب وصبر ولين ومحبة حيصير زي الخاتم في اصبعك
ومش كل رجال بشيش او بدخن معناته فاسد وميؤوس منه
فيه كتير رجال بدخنو ولكنهم احسن الرجال
طبعا التدخين حرام وعادة كريهة
لكن اقصد ليس كل من يدخن انسان فاسد
وانت بحبك وصبرك و مودتك و اسلوبك الحلو بتخليه يصير احسن انسان
بس زي مقلت الك اختي
تخلي عن الغرور لانو ماعمرك حتسعدي مع زوجك الا لو تخليتي عن هالصفة السيئة
وكل كلامي لمصلحتك و لانك اخت النا مش اكتر
يعني لاتفهمي كلامي انو هجوم
انما اتمنى ان اكون ساعدتك واوقظت فيكي معاني الحب والتضحية وحب الزوج
بارك الله فيكي وإن شاء الله زوجك يصير احسن الناس بحبك و مساعدتك الو
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت