الفطير المشلتت
اخدت وصفة من احد الاخوات علي الشبكة
و اعددته منذ فترة طويلة
و جاءت الحماسة اليوم لتنزيل الموضوعات اللي عندي
اقتباس:
المقادير
كيلو طحين ننقص منه نصف كوب ونتركه جانبا لان ممكن العجينه تحتاج على حسب نوع الطحين
كوب ونصف ماء دافىء وممكن نحتاج اكتر ربع كوب مثلا لو العجينه احتاجت
ملح
عجينه الفطير عجينه سهله جدا اهم شىء فى هذه العجينه هو طريقه عجنها او بمعنى اخر مده العجن فهى تحتاج حوالى ربع ساعه بالعجانه او 45 دقيقه باليد ماتستغربوش فعلا تحتاج هذا الوقت وسر نجاحها هو عجنها جيداالاول كنت بعجنها بيدى قبل ما اشترى العجانه وكانت بتطلع ممتازه
نضع الدقيق والماء والملح فى العجانه ونبدأ العجن
بعد مرور عشر دقائق مثلا نحاول نشد العجينه حنلاقيها بتتقطع مننا وده معناه انها لسه موصلتش للشكل المطلوب
وبعد ربع ساعه شوفى شكلها شوفوا بتتشد ازاى من غير ما تتقطع لازم تبقى ملساء وتتشد زى اللبانه (العلكه )
اهم حاجه انها توصل لكده لانها لو كانت لسه مرمله حتتقطع مننا فى الفرد ودى ملحوظه مهمه التزموا بيها
وهنا قطعت العجين الجزء اللى حعملوا فطير مشلتت بضع كور العجينه فى طبق به زيت
نترك العجين يرتاح فتره حوالى ربع ساعه قبل الفرد ونغطيه بقطعه قماش نظيفه
مقادير الحشوه
وده اختيارى انا استخدمت لحمه مفرومه معصجه وللوجه استخدمت جبن رومى مبشور-زيتون-فلفل-طماطم-بيض
بعد ذلك نفردها بالنشابه ويكون السطح مدهون بزيت ونحاول على قد ما نقدر نجعلها رقيقه
نضيف الحشوه ونبدا بطيها
وبعد ذلك ننقلها فى صينيه وندخلها فرن حامى حوالى سبع دقائق لكل وجه
وبعدين نخرجها ونضع عليها بيضه وفلفل اخضر وطماطم وزيتون وجبنه مبشوره هكذا
ونفتح عليها الشوايه من فوق حوالى خمس دقائق فقط وانتبهى الا تحترق
وبعد ماتبرد قطعيها ورصيها فى طبق التقديم
|
تطبيقي بالصور
استخدمت انا قالب فخار
العجينة
الحشوة حسب الرغبة
انا وضعت جبن رومي و طماطم و فلفل بادر و زيتون اسود
و يطبق
و يدخل الفرن الساخن
و هذه النتيجة
كان رائع
لكن ملاحظتي ان العجين لابد ان يفرد ارق من هذا
حتي نتاكد من نضجه في ثنيات العجين
و بالهنا
__________________
مبروك للمبدعات
و المشاركات في اقسام التغذية و الطبخ خلال شهر مارس 2010